پاکستان داخلی ایشلر ناظرلییی مخالف «تحریک انصاف» پارتیاسینین طرفدارلارینین رهبرلیک ائتدیی پولیس‌له اعتراضچیلار آراسیندا ایلکین توققوشمالاردان سونرا اسلامابادا اوردو قوه‌لرینین گؤندریلدیینی اعلان ائدیب.

Axar.az خبر وئریر کی، بو باره‌ده «گئو» تله‌کانالی معلومات یاییب.

«داخلی ایشلر ناظرلییی پاکستان اوردوسونون اسلام آبادا یئریدیلدیینی آچیقلاییب. تهلوکه‌سیزلیک قوه‌لرینه اغتشاش‌چیلاری یئرینده‌جه گوله‌له‌مک ده داخیل اولماقلا، اکسترمال تدبیرلر گؤرمه‌یه و تشویقاتچیلارا، ائلجه ده اغتشاش‌چیلارا قارشی قطعیتله حرکت ائتمک اوچون جدی گؤستریش وئریلیب»، - معلوماتدا دئییلیر.

ناظرلیک همچینین پاکستان اوردوسونا آسایشی قوروماق اوچون لازیم بیلدیی تقدیرده ایسته‌نیله‌ن بؤلگه‌ده کومندانت ساعتی تطبیق ائتمک صلاحیتی وئریب.

قید ائدک کی، پاکیتانین حبس‌ده اولان کئچمیش باش ناظری عمران خانین تاسیس ائتدیی «تحریک انصاف» پارتیاسی نویابرین ۲۴-ده اؤلکه حاکمیتینی پارلامنت سئچکی‌سینین نتیجه‌لرینه یئنی‌دن باخماغا و سیاسی محبوسلاری، او جمله‌دن، خانین اؤزونو ده آزاد ائتمه‌یه مجبور ائتمک مقصدیله عموم میلی اعتراض آکسییاسی کئچیریب.