بو گون روسیا پرزیدنتی ولادیمیر پوتین کرملینده اؤلکه‌سینین ملکی مدافعه، فوق‌العاده حاللار و طبیعی فلاکتلرین نتیجه‌لرینین آرادان قالدیریلماسی اوزره ناظری گنرال-لیتئنانت آلکساندر کورنکووو قبول ائدیب.

Axar.az خبر وئریر کی، بو باره‌ده «کاوکاسیان لایو» تلگرام کانالی معلومات یاییب.

بیلدیریلیب کی، اونلار قارا دنیزده مازوت سیزماسی مسئله‌سی ایله بیرگه آکتائودا باش وئرن طیاره قزاسینی دا مذاکیره ائدیبلر.

قید ائدک کی، ۲۵ دکابردا باکی-گروزنی ریسینی حیاتا کئچیره‌ن آذال طیاره‌سی گروزنی سماسیندا روسیا هوا حجوموندان مدافعه سیستملری طرفیندن وورولوب و جدی زده آلیب. ائنیشینه اجازه وئریلمه‌دییندن آکتائویا استقامت گؤتوره‌ن طیاره آکتائو هوا لیمانی یاخینلیغیندا قزایا اوغراییب. قزا نتیجه‌سینده گؤیرته‌ده اولان ۶۷ نفردن ۳۸-ی هلاک اولوب، ۲۹ نفر ساغ قالیب.