آکتاودا باش وئرن طیاره قضاسی ایله باغلی آذربایجان و روسیا لیدرلری سیاسی مدریکلیک نماییش ائتدیردیلر.

Axar.az خبر وئریر کی، بونو خزر استراتژی آراشدیرمالار اینستیتوتونون باش دیرکتورو، روسیالی پولیتولوق ایگور کوروتچنکو دئییب.

"تلفون دانیشیغینین یکونو اوزره پرزیدنتلر آراشدیرمانین آپاریلماسیندا بیرگه ضروری کمکلیین گؤستریلمه‌سی باره‌ده راضیلیغا گلیبلر و دوشونورم کی، روسیا هوا مکانیندا آذربایجان طیاره‌سی ایله باش وئرمیش فاجعه‌لی حادثه‌نین مسکوا و باکی آراسیندا دولتلرآراسی و طرفداشلیق مناسبتلرینه تأثیر ائتمه‌مه‌سی اوچون هر شیی ائد‌رک سیاسی مدریکلیک نمایش ائتدیریبلر"، - او قید ائدیب.

کوروتچنکو وورغولاییب کی، علیئو و پوتینین بیرباشا علاقه کانالی و ان مرکب مسئله‌لرله باغلی تئز و اپراتیو شکلده قرارلار قبول ائتمک امکانی وار:

"حساب ائدیریک کی، باش وئرمیش فاجعه‌نین بوتون سببلرینی معین ائتمه‌یه و موافق اولاراق ضروری حقوقی نتیجه‌لر چیخارماغا امکان وئرجک ایش آپاریلاجاق".

قید ائدک کی، ۲۵ دکابردا باکی-گروزنی اوچوشونو حیاتا کئچیرن آزال طیاره‌سی گروزنی سماسیندا روسیا هوا هجوموندان مدافعه سیستملری طرفیندن وورولوب و جدی زده آلیب. ائنیشینه اجازه وئریلمدییندن آکتاویا استقامت گؤتورن طیاره آکتاو هوا لیمانی یاخینلیغیندا قضایا اوغراییب. قضا نتیجه‌سینده گؤیرته‌ده اولان ۶۷ نفردن ۳۸-ی هلاک اولوب، ۲۹ نفر ساغ قالیب.