اؤنجه‌گؤرمه‌لری ایله مشهور اولان «سیمپسونلار» جیزگی فیلمی یئنی سریالارین‌دا آمریکانین ۲۰۲۵-جی ایلده چتین وضعیتده اولاجاغی حاق‌دا پروگنوزونو تقدیم ائدیب.

Axar.az خبر وئریر کی، جیزگی فیلمینین بؤلوملرینده حادثه‌لرین جریان ائتدیی ایسپرینقفیلد شهرینین اؤلکه اوزره یاییلان بؤیوک بیر بحرانین بیر پارچاسینا چئوریلدیی گؤستریلیر.

اپیزودلاردا گئنیش‌مقیاس‌لی الکتریک کسینتیلری، بوش مغازا رفلری، سرعتله آرتان قیمتلر هر یئرده گؤرونور: یاناجاق دولدورما منطقه‌لرینده یاناجاق توکنیر، مغازالار ایسه انسانلارین آلیش-وئریشینه محدودیتلر قویور، بانکوماتلار پول وئرمیی دایاندیریر. موشتریلر سون چؤرک اوچون مباحثه ائدیر، مغازا ایسه عذر ایستییر؛ تلفن و اینترنت ساعتلارلا ایشلمیر، بو دا انسانلاری عصبی‌لشدیریر و باش وئره‌نلری آنلامالارینی چتینلشدیریر.

یایدا ایسپرینقفیلد تمامیله خاوسا قرق اولور. الکتریک کسینتیلری گونلرله داوام ائدیر، شهر قارانلیق و سس‌سیزلیک ایچین‌ده قالیر. اینسانلار حیات‌دا قالماق اوچون چاره‌سیزجه ارزاق و احتیاج ماللارینی دییشمه‌یه باشلاییر.

اپیزود سونا یاخینلاشدیقجا قورخولو بیر صحنه اورتایا چیخیر. نامعلوم بیر درون ایسپرینقفیلد اوزریندن اوچور و اوزرینده یانیب-سؤنه‌ن بیر پانکارت گؤرونور: «یئنی بیر نرمالا حاضر اولون».