بیزیم آشیق، اوزان دنیامیزدا چوخ داستالاریمیز وار، بو داستانلارین هر بیرینین اؤز یئری اولسا دا، "اصلی و کرم" داستانیمیزدا اولدوغو قدر باشقا داستانیمیزدا موسیقی و ساز بیرلشمه‌سی یوخ‌دور.

Kult.az خبر وئریر کی، بو سؤزلری "اصلی و کرم" تاماشاسینی ایزله‌یه‌ن تبریزلی ضیالی و ایش آدامی علی پولاد دئییب.

""یانیق کرم"، "جنگی کرم"، "اصلی و کرم"، "عشقی کرم" و باشقا سایدیقجا "کرم"این موسیقیمیزده سایسیز اثرلرین قهرمانی اولدوغونون شاهدی اولوروق" "اصلی و کرم" روحوموزا او قدر ایشلیی کی، مختلف موسیقی آدلاری آلتیندا اونو یاشاتمیشیق. بونا گؤره ده، تبریزده "اصلی و کرم" تاماشاسینین نماییشینده رولو اولان هر کسه بیر تبریزلی کیمی تشکورومو بیلدیریرم"،- او، علاوه ائدیب.

آذربایجان داستانلارینین ۹۰%-دن چوخونون تئاترلیق اولدوغونو دئیه‌ن علی پولاد، بو تاماشانین صحنه‌یه چیخاریلماسینی یوکسک قیمتلندیرب و بونون آذربایجانین باشقا داستانلارینین دا نماییش ائتدیریلمه‌سینه یول آچاجاغینی امید و آرزو ائدیب.

قید ائدک کی، ۱۹۴۴-جو ایلده تبریزده آنادان اولان علی پولاد ۱۹۹۱-جی ایلده آذربایجان اقتصادیاتینا سرمایه قویان ایلک ایش آداملاریندان بیری اولوب.

تورکیه و آذربایجان یازیچیلار بیرلیینین فخری عضوو اولان علی پولاد آذربایجان، تورکییه تورکجه‌سینده چوخ سایدا کتابین مؤلفی و ترجمه‌چی‌سیدیر.