نیکول پاشینیان بو گون ایلهام علیئوین داها بیر گذشت طلبینی قبول ائتدی.

Axar.az خبر وئریر کی، بو ادعا ایله «ارمنستان» فراکسیاسینین میلت وکیلی آرتور خاچاتریان چیخیش ائدیب.

خاچاتریان ادعا ائدیب کی، پرزیدنت ایلهام علیئو ارمنستانا نوبتی اولتیماتوم تقدیم ائتدی و شرطلری قبول ائتمکدن باشقا یولون قالمادیغینی چاتدیردی.

«ارمنستانین سلاحسیزلاشدیریلماسی، غربی آذربایجانا قاییدیش، زنگزور دهلیزینین آچیلماسی و دیگر طلبلری وار. علیئو ارمنستان دولتینی فاشیست آدلاندیردی، بو او دئمکدیر کی، فاشیزمه قارشی هانسی منطیقله حرکت ائدیرلرسه، ارمنستانا قارشی دا عینی منطقله حرکت ائدیله‌جک.

پاشینیان ایسه سوسدو، لاکین سونرا آنلادی کی، اوزون مدت سوسا بیلمز. اونا گؤره یوخ کی، ارمنی اجتمایتی جواب طلب ائدیر، خیر. سبب علیئوین گذشت طلبینی جوابلاندیرماق‌دیر. بیان ائتدی کی، «بیز سونا قدر صلح پروسسینی دستکلیجییک».

بو او دئمکدیر کی، محاربه‌نین اولماماسی اوچون آذربایجانین بوتون طلبلرینی قبول ائتملیییک. بئله‌لیکله، پاشینیان بو گون علیئوین نوبتی گذشت طلبلرینی قبول ائتدی. اونون سسلندیریی فکرلر ده بو طلبلرین قبول ائدیلمه‌سینه زمین حاضرلاماق مقصدی داشیییر»، - ارمنی ملت وکیلی ادعا ائدیب.