من بو راضیلاشمادان یاخشی بیر شی گؤزله‌میرم. خاطیرلاییرسینیزسا، آمریکا و اوکراینا ۲۰۲۱-جی ایلین نویابریندا اوخشار سازش امضالادیلار و جمعی اوچ آی سونرا روسیا اوکراینانی اشغال ائتدی.

Axar.az خبر وئریر کی، بو سؤزلری ارمنی مدیاسینا گئنیش مصاحبه‌سینده دیپلمات، روسیا-آمریکا پرزیدنتلرینین ایکی‌طرفلی امکداشلیغین انکشافی کومیسیاسیندا آمریکا طرفیندن تمثیل اولونان سابق مشاور جیمز کاردن آمریکا و ارمنیستان آراسیندا امضالانان استراتژی طرفداشلیق سازشی حاقدا دانیشارکه‌ن دئییب.

«تأسف کی، بونون نیه گتیریب چیخاردیغینی آرتیق گؤرموشوک. ۲۰۰۸-جی ایلده ناتو-نون بخارستده کئچیریله‌ن ساممیتینده اوکراینا و گورجوستانین ناتو-یا داخل اولماسی باره‌ده قرار قبول ائدیلیب. همین ایلین آوگوستوندا آلتی گونلوک محاربه زمانی روسیا گورجوستانی اشغال ائتدی. داها سونرا، ۲۰۱۴-جو ایلده اوکراینانین غربله یاخینلاشماسی سببیندن اوکراینادا مایدان حرکاتی و وطنداش قارشیدورماسی آلوولاندی و نتیجه‌ده روسیانین ۲۰۲۲-جی ایلین فورالین‌دا گئنیش‌مقیاسلی اشغالی ایله نتیجه‌له‌ندی.

آمریکا-نین ارمنیستانین تهلوکه‌سیزلیینین تأمیناتچی‌سی کیمی روسیا و یا ایرانی عوض ائده بیلجیی فکری واشینگتون بوروکراتلاری اوچون جلب‌ائدیجی گؤرونه بیلر، اونلارین اکثریتی ارمنیستاندا اولماییب و یا خریطه‌ده ارمنیستانی چتینلیکله تاپا بیلر. ارمنیستان اوچون ایسه بو، چوخ ریسکلی آددیم‌دیر. بو قرار اؤلکه‌نی تورکیه‌نین آمبیسییالاری قارشی‌سیندا عاجز ائده بیلر»، - او بیلدیریب.