روسیا بازاردان سیخیشدیریلدیغی اوچون تورکییه آوروپانین آپاریجی طبیعی گاز تداروکچوسو اولماغی هدفلییر. آنکارا ایندی بروکسلله موافق دیالوگا باشلاماق اوچون دیپلماتیک سعیلر گؤستریر.

Axar.az خبر وئریر کی، بو باره‌ده "پولیتیکو" معلومات یاییب.

تورکییه‌نین آوروپا بیرلییین‌دکی سفیری فاروک کایماکچی دا نشره وئردیی شرح‌ده بیلدیریب کی، آوروپا بیرلیییی ایله علاقه‌لرین پلانلاشدیریلمیش شکیلده برپا ائدیلمه‌سینین بیر حیصه‌سی اولاراق انرژی ساحه‌سینده امکداشلیق گونده‌مین ایلک سیراسین‌دا اولاجاق:

"بیزیم جنوب گاز دهلیزیمیز وار. ۱۸ میلیارد کوبمتر گازیمیز وار کی، بو دا اساساً آذربایجان‌دان گلیر و اونو آرالیق دنیزی گازینا قوشماقلا بونو آسانلیقلا گئنیشلندیره بیلریک. بیزیم رولوموز، پوتنسیالیمیز بؤیوکدور".

نشر وورغولاییب کی، آنکارانین بروکسلله انرژی دانیشیقلاری ۲۰۱۹-جو ایلده تورکییه ایله آوروپا بیرلییی عضوو قبرس آراسین‌دا آرالیق دنیزینده گاز آختاریشی حقوقو ایله باغلی مباحصه‌یه گؤره دایاندیریلمیشدی:

"تورکییه آذربایجان قازینی اخراج ائتمکله یاناشی، قارا دنیزین آلتیندان کئچن «تورک آخینی» بورو کمری ایله روسیادان یاناجاق ادخال ائدیر. روسییا گازینین اوکراینا اراضی‌سیندن ترانزیتی ایله باغلی سازیش باشا چاتدیقدان سونرا بو دنیزآلتی علاقه مسکوانین آوروپا بازارینا چیخا بیلجیی یگانه مارشروتدور".