بورادا هر هانسی گذشتدن، آمنیستییادان صحبت گئده بیلمز. هر کس جزاسینی آلاجاق، بو آیری مسئله‌دیر، اما ترورا سون قویماق اوچون سعیلر گؤستریلیر.

Axar.az خبر وئریر کی، بونو تورکیه بؤیوک ملت مجلسینین ملت وکیلی، پارلامنتین ملی مدافعه کومیسیاسینین صدری، سابق ملی مدافعه ناظیری هولوسی آکار پ.ک.ک لیدری عبدالله اؤجالانین ترک-سلاح چاغیریشی ایله باغلی دانیشارکه‌ن دئییب.

او بیلدیریب کی، میداندا هئچ نه دییشمه‌ییب:

«محمتچیک ترورچولارین سیغیناجاقلارینی داغیدیر، گئجه-گوندوز ترورلا مبارزه داوام ائدیر. بیز ترورسوز تورکیه دئییریک. بو، گذشت و یا کومپرومیس دئییل. بو، شهیدلریمیزین قانینی گؤرمزلیکدن گلمک دئییل، بیز بو مسئله‌ده سون درجه حساسیق. پرزیدنت رجب طیب اردوغان و جناب باخچالی بو مسئله‌ده هر جور حساسلیق نمایش ائتدیردیلر. دونه‌ن لازمی آچیقلاما وئریلدی و تشکیلات رهبری «سلاحلارینیزی یئره قویوب تشکیلاتی لغو ائدجکسینیز» دئدی. بونو ائدیب-ائتمه‌مک اؤز اختیاریندادیر. ترورا سون قویماق عزمیمیز و قطعیتیمیز مطلقدیر. «اؤلسک شهید، قالساق قاضی اولاجاغیق» آنلاییشی ایله سونا قدر مبارزه آپاراجاغیق. مقصدیمیز ترور بلاسینی دایاندیرماق، تورکیه‌نین رفاهی و گلجیی اوچون چالیشماقدیر. اینانج و دوشونجه‌لریمیزده هئچ بیر شکل‌ده دییشیکلیک یوخ‌دور. ترورچو ترورچودور و تورکیه جمهوریتی اؤز یئرینده محکم قالیر. بونا هئچ کیمین شبهه‌سی اولماسین».

قید ائدک کی، پ.ک.ک-نین حبسده‌کی لیدری عبدالله اؤجالان طرفدارلارینی سلاحی یئره قویماغا و ترور تشکیلاتینی بوراخماغا چاغیریب.