اوکراینا سلاحلی قوه‌لری فپو درونلارینین آرتیریلمیش اوچوش مسافه‌سینه مالک یئنی نوعونو جبهه خطی بویونجا تطبیق ائتمه‌یه باشلاییب.

Axar.az خبر وئریر کی، بو باره‌ده تاس آگنتلیینه حربی اکسپرت ویتالی کیسلئو دئییب.

"اوکراینا سلاحلی قوه‌لرینین استفاده ائتدیی یئنی فپو پیلوت‌سوز اوچان آپاراتلاری ایندی اوچوش مسافه‌سینی ۴۰ کیلومتر قدر آرتیریب. اوچ پارتلاییش سیستمین‌دن استفاده اولونور: قیساقاپانما متودو، وضعیتی دینله‌یه‌ن و سونرا پارتلایان میکروفوندان استفاده و مؤقع دییشمه سنسورو اولان آکسلرومترله. همچینین فپو درونلارینین ایچریسین‌ده ۷۲ ساعتا قدر یاواشلاما سنسورو اولان داخلی ۹۰ ق پلاستید یوک وار»، – دئیه کیسلئو بیلدیریب.

اونون سؤزلرینه گؤره، یئنی تیپ درونلارین تطبیقی زاپوروژیه، اوریخووو، دزرژینسک، کرمئنوی و خارکوو استقامتلرینده، ائلجه ده بلگورود و کورسک ویلایتلرینده مشاهده اولونور.

«خبردارلیق ائدیلمه‌لیدیر کی، درونلاری هئچ بیر حال‌دا قالدیرماق و سیغیناجاغا آپارماق اولماز. اگر وورولوبسا، اونو یئرین‌ده‌جه محو ائدیب ضررسیزلشدیرمک و درحال اورانی ترک ائتمک لازیمدیر»، – دئیه اکسپرت وورغولاییب.