آمریکا پرزیدنتی دونالد ترامپ حکومتین افکتیولییی دپارتامنتینه رهبرلیک ائد‌ن ایلون ماسکین آغ ائودکی ایشینین باشا چاتاجاغینا و مایین سونون‌دا دوگه پروگرامینین باغلاناجاغینا اشاره ائدیب.

Axar.az خبر وئریر کی، بو باره‌ده «پولیتیکو» آمریکا لیدرینین کنسرت بیلتلرینین یئنی‌دن ساتیشینین تنظیمله‌نمه‌سی حاقین‌دا فرمانین امضالانماسی مراسمی زمانی وئردیی آچیقلامالارینا استنادا معلومات یاییب.

ترامپ بیلدیریب کی، ماسکین فعالیتینین یوکسک قیمتلندیریلمه‌سینه باخمایاراق، او، تئزلیکله شرکتلرینی اداره ائتمه‌یه قاییدا بیلر.

پرزیدنت ماسکی حکومت‌ده ممکن قدر اوزون مدت ساخلاماق ایستدیینی، لاکین اونون موقتی تعیناتینین مای آییندا باشا چاتاجاغینی وورغولاییب:

«او، حیرت آمیزدیر، اما هم ده اونون اداره ائدجیی بؤیوک بیر شیرکتی اولدوغونو دوشونوره‌م و بونا گؤره ده نه واختسا گئری قاییداجاق. او، بونو ایستییر. باجاردیغیم قدر اونو اوزون مدت ساخلایاردیم».