فرانسا اؤزبکستانلا امکداشلیغینی درینلشدیره‌رک چین و روسیایا قارشی یئنی ایستراتژی مؤقع قورماغا چالیشیر. اوران، مدافعه و اینفراستروکتور لایحه‌لری ساحه‌سین‌ده تأثیرینی آرتیرماق ایسته‌یه‌ن پاریس، عینی زمان‌دا، آلترناتیو تجارت یوللاری یاراتماغی دا هدفلییر.

Axar.az خبر وئریر کی، بونو تورکیه‌لی یازار مرد اینان بیلدیریب.

«فرانسا پرزیدنتی امانوئل ماکرونون اؤزبکستان پرزیدنتی شوکت میرزیایئوله اؤتن هفته پاریس‌ده کئچیردیی گؤروش و امضالانان استراتژی امکداشلیق سازشی بو پروسسه یئنی تکان وئریب.

۲۰۱۸-جی ایلده میرزیایئوین فرانسایا سفری ایله باشلایان یاخینلاشما ماکرونون ۲۰۲۳-جو ایلده اؤزبکستانا ائتدیی سفرله یئنی مرحله‌یه قدم قویوب. ماکرونون بو ایستراتژی مانورینین آسییادا گوج بالانسینی دییشدیره بیله‌جه‌یی بیلدیریلیر. فرانسا یاخین شرق‌ده لیوان و سوریا اوزریندن تأثیر دایره‌سینی گئنیش‌لندیرمه‌یه چالیشدیغی کیمی، آوراسیا و اورتا آسیادا دا یئنی مؤقع قازانماق ایستییر. بو انکشافین بؤلگه‌ده یئنی گرگین‌لیکلره سبب اولا بیله‌جه‌یی احتیمال ائدیلیر"، - یازار قید ائدیب.