امید ائدیریک کی، آمریکا و ایران دانیشیقلار زمانی حل‌‌ائدیجی مؤقع سرگیله‌یه‌جک و گوج تطبیقیندن قاچا بیله‌جکلر.

Axar.az خبر وئریر کی، بو باره‌ده تورکیه خارجی ایشلر ناظیری حاکان فیدان سی.ان.ان تورک کانالینا مصاحبه‌سینده دئییب.

فیدان قید ائدیب کی، هر ایکی طرفی تانییر، مؤقعلریندن خبرداردیر:

«هر شی دانیشیقلار ماساسی اوزرینده اولاجاق. طرفلر ماکسیموم مؤقع‌دن چیخیش ائد‌جکلر. اما ماسادان آیریلدیقدان سونرا دانیشیقلارین داوام ائتدیریلجیینه و گوج تطبیقیندن قاچاجاقلارینا امید ائدیرم. دانیشیقلارین موضوعسو مرکبدیر، لاکن حساب ائدیرم کی، کئچمیش تجربه ایله مقایسه‌ده ایندی یئنی امکانلار یارانا بیلر. حاضردا دانیشیقلاری آپاران انسانلار، خصوصیله آمریکا پرزیدنتی دونالد ترامپ فرق‌لی دوشونجه طرزینه صاحبدیر».

قید ائدک کی، آپرلین ۱۲-ده عمان‌دا آمریکا و ایران نماینده‌لرینین گؤروشو کئچیریله‌جک. گؤروشده ایرانین نووه پروگرامی مسئله‌سینین نظاملانماسی مذاکره ائدیله‌جک. آمریکا نماینده هیئتینه ترامپین خصوصی نماینده‌سی استیون اویتکوف، ایران نماینده هیئتینه ایسه خارجی ایشلر ناظیری عباس عراقچی رهبرلیک ائد‌جک.