دئمزدیم کی، بو واریانتی (ایرانین نووه اوبیکتلرینه ضربه ائندیریلمه‌سی – رئد.) رد ائتدیم. بونو ائتمه‌یه تلسمیرم، چونکی اینانیرام کی، ایرانین بؤیوک بیر اؤلکه یاراتماق و اؤلوملر اولمادان خوشبخت یاشاماق شانسی وار. من بونو گؤرمک ایستردیم. بو، بیرینجی واریانت‌دیر. ایکینجی واریانت باش توتسا، ایران اوچون چوخ پیس اولاجاق. منجه، ایران دانیشیقلار آپارماق ایستییر. بونو ائتسه‌لر، اونلار اوچون چوخ یاخشی اولار.

Axar.az خبر وئریر کی، بو سؤزلری آمریکا پرزیدنتی دونالد ترامپ ایرانا ضربه ائندیریلمه‌سی پلانیندان امتنا ائتمه‌سی ایله باغلی آغ ائوده ژورنالیستلرین سوالینا جواب وئررکه‌ن دئییب.

«من ایران خالقینی تانیییرام، گؤزل خالقدیر. اونلار همیشه چوخ عقل‌لی، چوخ انرژی‌لی، چوخ اوغورلو اولوبلار و من هئچ کیمه ضرر وئره‌جک بیر شئی ائتمک ایستمیرم. من حقیقتاً ایستمیرم. اما ایرانین نووه سلاحی اولا بیلمز. هر شئی چوخ ساده‌دیر. بیز اونلارین صنایع‌سینی الین‌دن آلماق ایستمیریک.

بیز اونلارین تورپاقلارینی آلماق ایستمیریک. ساده‌جه دئییریک کی، سیز نووه سلاحینا صاحب اولا بیلمزسینیز»، - ترامپ علاوه ائدیب.

قئد ائدک کی، «نیو یورک تایمز» اسرائیلین ۲۰۲۵-جی ایلین مایین‌دا ایرانین نووه اوبیکتلرینه ضربه‌لر ائندیرمیی پلانلاشدیردیغی، لاکین آمریکا پرزیدنتی دونالد ترامپین بو آددیمی دستکلمدیی اوچون پلاندان امتنا ائتدیی حاقدا معلومات یاییب.