کایسری ایله شوشا شهرلری آراسیندا اولان مناسبتلر بیزی قورورلاندیریر. شوشا تکجه آذربایجان اوچون دئییل، بوتون تورک دنیاسی اوچون بیر بایراق، سیموولدور.

Axar.az خبر وئریر کی، بونو شوشادا ژورنالیستلره مصاحبه‌سینده تورکیه بؤیوک ملت مجلسینین ملی مدافعه کومیسیاسینین صدری هولوسی آکار دئییب.

آکار اشغال‌دان آزاد اولونموش اراضیلرده حیاتا کئچیریله‌ن قوروجولوق و انکشافا گؤره قورور دویدوغونو ایفاده ائدیب:

«هم یولبویو گلرکه‌ن، هم ده شوشادا گؤردوکلریمیزدن بؤیوک بیر قورور دویدوق. گئرچکدن چوخ بؤیوک انکشافین شاهدی اولدوق. پرزیدنت ایلهام علیئوین قطعیتی ایله بورادا سرعتلی انکشاف میدانا گلیب. ایشلر پلانلی، مقصده اویغون شکلده حیاتا کئچیریلیر».