روسیا اردوسو عمومی آتشکس تصوراتی یاراتماغا چالیشیر، لاکن ایر‌لیله‌مک و اوکراینایا ایتکی وئرمک جهدلریندن ال چکمیر.

Axar.az خبر وئریر کی، بونو اوکراینا پرزیدنتی ولادیمیر زلنسکی دئییب.

"دونه‌ن ساعت ۱۸:۰۰-دان گئجه یاریسینا قدر روسیا اردوسو ۳۸۷ دفعه آتش آچیب و ۱۹ دفعه هجوم ائدیب. روسیالیلار ۲۹۰ دفعه پیلوت‌سوز طیاره‌لردن استفاده ائدیب"، - او بیلدیریب.

زلنسکی اوکراینا اردوسونون باش کوماندانی آلکساندر سیرسکینین حساباتینا استناد ائد‌رک قید ائدیب کی، روسیالیلار آتشی و هجوم حرکتلرینی داوام ائتدیریرلر:
"جبهه خطینین مختلف استقامتلرینده آرتیق روسیا طرفدن ۵۹ آتش آچیلیب، بئش هجوم قیده آلینیب".

بوندان علاوه، کورسک ولایتینده آرتیللریا ضربه‌لری و پیلوت‌سوز طیاره‌لردن استفاده قیده آلینیب. بیلدیریلیب کی، اوکراینا اؤز نوبه‌سینده قارشی طرفه آدکوات جواب وئریر.
زلنسکینین سؤزلرینه گؤره، اوکراینا شفاف داورانماغا داوام ائد‌جک:

«ایلکین نتیجه‌لره یکون وورساق، هله‌لیک جبهه‌ده تام آتشکس یوخ‌دور".

قید ائدک کی، روسیا پرزیدنتی ولادیمیر پوتین اوکراینا-روسیا محاربه‌سینده اؤتن گون «پاسخا آتشکسی» اعلان ائدیب.