تورکیه اسد رژیمی، ایران و روسیانین بمباردمانلاری ایله خارابالیغا چئویردیی سوریانین تورکمان داغی (باییربوجاق) بؤلگه‌سینین کند و قصبه‌لرینین یئنی‌دن قورولماسی اوچون حرکته کئچیب.

Axar.az خبر وئریر کی، بو باره‌ده تورکییه مطبوعاتی معلومات یاییب.

مسئله ایله باغلی اطراف محیط و شهرسالما ناظری مراد کوروما پرزیدنت رجب طیب اردوغان طرفیندن تاپشیریق وئریلدیی و آراشدیرما آپارماق اوچون بؤلگه‌یه بیر گروپ نماینده هیئتینین گؤندریلدیی بیلدیریلیب. بؤلگه‌ده ایشلر منزیل انشاعاتی اداره‌سینه (توکی) حواله ائدیلیب.

خاطرلاداق کی، تورکمان داغی ۲۰۱۵-جی ایلده روسیانین آغیر بمباردمانلاری و ایرانین دستکلدیی گروپلار طرفیندن بؤیوک اؤلچوده اشغال ائدیلمیشدی. بؤلگه‌نین اشغالینا رهبرلیک ائد‌ن ترورچو گروپلاردان بیرینین لیدری میهراچ اورال او زامان بئله دئمیشدی: «۶۵۰ ایلین قیصاصینی آلدیق».

قید ائدک کی، اشغال‌دان اول سؤزوگئدن بؤلگه‌ده ۲۰۰ مین‌دن چوخ تورکمان یاشاییردی.