ایران-آمریکا دانیشیقلاریندا آوروپانین تهلوکه‌سیزلیک ماراقلاری تعمین اولونماسا، اوچ آوروپا اؤلکه‌سی «تتیک مکانیزمینی» ایشه سالاجاق و ب.ام.ت-نین ایرانا قارشی سانکسیالارینی برپا ائد‌جک.

Axar.az خبر وئریر کی، بو باره‌ده فرانسانین خارجی ایشلر ناظری ژان نوئل بارون خبردارلیق ائدیب.

"ایران نووه سلاحی الده ائتمک نیتین‌ده‌دیر و اورانین زنگینلشدیریلمه‌سی ایله باغلی بوتون عهده‌لیکلریندن قیراغا چیخیب "،- بارون بین‌الخالق اتم انرژی‌سی آگنتلیینین باش دیرکتورو رافایل گروسی ایله بیرگه کنفرانس‌دا دئییب.

آوروپانین ایرانین هئچ واخت نووه سلاحی الده ائتمه‌مه‌سینی ایستدیینی دئیه‌ن ناظر، ایرانا قارشی سانکسییالارین برپاسی ایله باغلی یایا قدر قرار وئریلجیینی وورغولاییب.

رافایل گروسی ده محاربه‌نین قارشی‌سینی آلماق اوچون واختین محدود اولدوغو باره‌ده خبردارلیق ائدیب:

"آرتیق بیر نئچه ایل و یا بیر نئچه آیدان صحبت گئتمیر، بو بلکه ده جمعی بیر نئچه هفته عرضین‌ده باش وئره بیلر".

او وورغولاییب کی، ایرانلا آمریکا آراسیندا ایسته‌نیلن راضیلاشما ماگاته طرفیندن تصدیقله‌نمه‌لیدیر:

«عکس حال‌دا بو، اعتبارسیز سند اولاجاق».،- دئیه قید اولونوب.