آمریکا پرزیدنتی دونالد ترامپین صلح پلانی اوکراینا لیدری ولادیمیر زلنسکییه پرزیدنت‌لییی باهاسینا باشا گله و اؤلکه‌ده ثابت‌لییی پوزا بیلر.

Axar.az خبر وئریر کی، بو باره‌ده «پولیتیکو» معلومات یاییب.

قید اولونوب کی، اراضیلرین وئریلمه‌سی تکلیفی کونستیتوسییایا دییشیک‌لیکلر و رفرندوم طلب ائد‌جک:

«بو، کسکین سیاسی بحرانا سبب اولا و مسکوا اوچون «ترویا آتینا» چئوریله، پوتین ایسه اوکرایناداکی داخلی اختلاف‌دان اؤز روانشیست مقصدلری اوچون استفاده ائده بیلر.

حاضرکی سازش لاییحه‌سینه گؤره، اوکراینا: ناتو-یا عضو اولماقدان امتنا ائدیر؛ اشغال اولونموش اراضیلری دفاکتو گذشته گئدیر؛ آمریکانین دستیی اولمادان اوچونجو اؤلکه‌لردن غیری-معین تهلوکه‌سیزلیک ضمانتلری آلیر؛ آمریکانین خیرینه مینرال ثروتلرین بؤلوشدورولمه‌سی سازشنی امضالاییر. عینی زمان‌دا، روسیادان نه تضمینات آلیر، نه ده حربی جنایتلره گؤره مسئولیت ضمانتی».

نشر وورغولاییب کی، آمریکادان دقیق ضمانتلر و حربی دستک اولماسا، بو آتشکس پوتین اوچون تجاوزون نوبتی مرحله‌سینه قدر آنجاق مهلت اولاجاق.