۰۰:۴۷

هیندیستان پاکستانین اوچ شهرینه راکت ضربه‌لری ائندیریب.

Axar.az خبر وئریر کی، بو باره‌ده پاکستان اوردوسونون اجتمایتله علاقه‌لر شعبه‌سینین باش دیرکتورو گنرال-لیتنانت احمد شریف چاودری معلومات وئریب.

اونون سؤزلرینه گؤره، هیندیستان اوردوسونون هدفی پنجاب ایالتینین باهاوالپور و آزاد کشمیرین ایکی شهری - کوتلی و مظفرآباد اولوب.

او قید ائدیب کی، هیندیستانین هجومو جواب‌سیز قالمایاجاق.

***

پاکستان اوچ شهرینه ائندیریله‌ن راکت ضربه‌لرینه جواب اولاراق هیندیستان‌داکی هدفلری ووروب.

بو باره‌ده «سما تی.وی» معلومات یاییب.

قید ائدک کی، هیندیستانین پاکستانین اوچ شهرینه راکت ضربه‌لری ائندیرمه‌سیندن سونرا رسمی اسلام‌آباد هوا مکانینی باغلاییب.

***

هیندیستان سلاح‌لی قوه‌لرینین جامو و کشمیرین پاکستانین نظارتین‌ده اولان حیصه‌سینه ائندیردیی ضربه‌لر نتیجه‌سین‌ده آزی ۲ نفر اؤلوب، ۱۲ نفر یارالانیب.

بو باره‌ده پاکستان سلاحلی قوه‌لرینین معلوماتین‌دا دئییلیر.

اونون سؤزلرینه گؤره، هیندیستان ایکی مسجیده هجوم ائدیب.

***

هیندیستانین پاکیستان‌دا ملکی اینفراستروکتورا ائندیردیی راکت ضربه‌لری نتیجه‌سینده اؤلنلرین سایی ۸ نفره چاتیب.

معلوماتا گؤره، بونو پاکیستان اردوسونون اجتماعیتله علاقه‌لر شعبه‌سینین باش دیرکتورو گنرال-لیتنانت احمد شریف چاودری دئییب.

اونون سؤزلرینه گؤره، هیندیستانین حربی تجاوزو نتیجه‌سینده ۳۵ نفر یارالانیب.

گنرال علاوه ائدیب کی، هیندیستان حربی هوا قوه‌لری پاکیستان‌دا ۶ هدفه ۲۴ ضربه ائندیریب.