آوروپانین آتش‌کسله باغلی پلانلاری دونالد ترامپین روسیا لیدری ولادیمیر پوتینین تورکیه‌ده دانیشیقلار ایدئیاسینی «اله کئچیرمه‌سی» ایله پوزولدو.

Axar.az خبر وئریر کی، بو باره‌ده سی.ان.ان‌ده یاییم‌لانان آنالیتیک مقاله‌ده دئییلیر.

«سوسیال شبکه‌لرده آغ ائو رهبری بیان ائتدی کی، پوتینه آتشکس لازیم دئییل، او، دانیشیقلار ایستییر. آمریکا پرزیدنتی داها سونرا اوکراینا پرزیدنتی ولادیمیر زلنسکییه «درحال گؤروش کئچیرین!» دئیه تضییق ائتدی. اونا گؤره ده اوکراینا مسئله‌سین‌ده غرب دنیاسینین بیرلییی سارسیلدی»، - دئیه مقاله‌ده بیلدیریلیب.

عینی زمان‌دا وورغولانیب کی، مایین ۱۰-دا بؤیوک بریتانیا، فرانسا، پولشا و آلمانیا لیدرلری کی‌یوه توپلاشیبلار. اوکراینا و طرفداشلاری روسیادان ۳۰ گونلوک آتشکس طلب ائدیب و بو ایدئیا آمریکا طرفیندن دستکلنیب.