۱۱:۵۵

آمریکا پرزیدنتی دونالد ترامپ روسیا و اوکراینا آراسیندا دانیشیقلاردا واسطه‌چی قیسمینده اشتراک ائتمک اوچون تورکیه‌یه سفر ائتمه‌یه‌جک.

Axar.az خبر وئریر کی، بو باره‌ده جنن آغ ائو رسمیلرینه استنادلا معلومات یاییب.

معلوماتا گؤره، کرملین پرزیدنت ولادیمیر پوتینین داخل اولمادیغی روسیا نماینده هیئتینین سیاهیسینی آچیقلادیقدان سونرا آغ ائوین ایکی رسمی‌سی ترامپین دا اشتراک ائتمیجیینی بیلدیریب:

«یاخین شرقین ۳ اؤلکه‌سینه سفری زمانی ترامپین ایش گرافیکینی دییشدیرمه‌سی، پرزیدنتین بو قدر سیخ گرافیکله بئله مهم دانیشیقلارا حاضرلانماسی کیمی جدی دیپلماتیک وظیفه‌نی نظره آلماساق، لوجستیک کابوس اولاردی».

قید ائدک کی، ترامپین یاخین شرق تورنه‌سی ۱۳ مایدا باشلاییب. او، عربستان‌دان سونرا قطره گلیب و بورادان اماراتا گئده‌جک.

***

احتیاج اولسا، اوکراینا ایله باغلی دانیشیقلاردا اشتراک اوچون مایین ۱۶-دا استانبولا گلمه‌یه حاضرام.

بونو آمریکا پرزیدنتی دونالد ترامپ دئییب.

قید ائدک کی، جنن آغ ائودکی منبع‌لره استنادلا وئردیی معلومات‌دا دونالد ترامپین روسیا و اوکراینا آراسیندا دانیشیقلاردا واسطه‌چی قیسمینده اشتراک ائتمک اوچون تورکیه‌یه سفر ائتمیجیینی بیلدیرمیشدی.