اردوغانین «چالدیران تورک، کورد، عربین اورتاق غلبه‌سی‌دیر» سؤزلری آذربایجان‌دا حاقلی ناراضیلیق یارادیب. چالدیران دؤیوشونده کیمین غالیب، کیمین مغلوب اولدوغو، شاه اسماعیللا سلطان سلیمین مناسبتلری و دیگر تاریخی فاکتلارلا باغلی (بو حاقدا کفایت قدر یازیلیب) مذاکره‌لرین ایکی منفی نتیجه‌سی اولور:

بیرینجی‌سی، آذربایجان و تورکیه اجتماعیتی آراسین‌دا اوچوروم درینلشیر؛

ایکینجی‌سی، شاه اسماعیل ارثینه صاحب چیخماغا چالیشان ایران بون‌دان آذربایجان اجتماعی رایینده تورکیه‌یه قارشی «تارخی دشمنچی‌لیک» تبلیغاتین‌دا استفاده ائدیر.

ایران ۲۰۲۰-جی ایلین توووز دؤیوشلری زمانی چالدیران دؤیوشو اوزریندن تورکیه‌یه قارشی گئنیش‌مقیاسلی کامپانییایا استارت وئرمیشدی. ۴۴ گونلوک محاربه‌دن سونرا بو کامپانیا سرعتله‌ندی و زمان-زمان سنگیسه ده، آکتوال اولاراق قالیر. چونکی همین دوردن اعتباراً تورکیه آذربایجانلا متفقلیک اوزریندن جنوبی قافقازدا گوجله‌نمه‌یه آشیلانمیشدی. بئله کامپانیادا هدف سئچیله‌نلردن بیری ده بیرباشا اردوغانین اؤزو اولوب. ایندی اردوغان چالدیران دؤیوشو ایله باغلی دئدیکلری ایله اصلینده ایرانا فرصت وئریر.

تورکیه‌نین سیاسی الیتاسینا بونو ایضاح ائتمک لازم‌دیر. تاریخ اوزریندن آیریلیق یاراتماقدانسا، آذربایجانین قیزیلباش ارثیندن یاخین شرقده استفاده ائتمک تورکیه اوچون داها صرفه‌لی اولاردی.