آوروپا بیرلییی غزه‌ده باش وئره‌ن محاربه ایله علاقه‌دار اسرائیلله تجارت آسوسیاسیاسی حاقین‌دا سازشه یئنی‌دن باخیلماسی باره‌ده قرار قبول ائدیب. بون‌دان علاوه، بعضی آوروپا بیرلییی اؤلکه‌لری اسرائیله تضییقلری آرتیریب.

Axar.az خبر وئریر کی، بو باره‌ده «گاردیان» نشری یازیب.

قید اولونور کی، ایرلاندیا و اسپانیا لیدرلری آوروپا کمیسیاسینین رهبری اورسولا فون در لیئنه اسرائیلله تجارت آسوسیاسییاسی سازشینه یئنی‌دن باخماق چاغیریشینی تخمیناً ۱۵ آی اول ائتمیشدیلر. غزه زولاغین‌دا هومانیتار بحرانین داها دا درینلشمه‌سی فونوندا اؤتن گون آوروپا بیرلیییی اؤلکه‌لرینین خاریجی ایشلر ناظرلری همین سازشی مذاکره ائدیبلر.

عینی زمان‌دا بیلدیریلیر کی، آمریکا پرزیدنتی دونالد ترامپ دا اسرائیلین فلسطین علیهینه حربی عملیاتلاری دایاندیرماماسیندان ناراحات‌دیر.

قید ائدک کی، اؤتن گون بؤیوک بریتانیا حکومتی اسرائیلله آزاد تجارت دانیشیقلارینی دایاندیریب و ایوردان چایینین غرب ساحلینده‌کی یاشاییش منطقه‌لرینه یئنی سانکسییالار تطبیق ائدیب.