روسیا ایله امکداشلیق سایه‌سینده شمالی کورئیا سون ۳۰ ایلده یالنیز تدریجا ضعیفله‌یه‌ن اردوسونو سرعتله مدرنلشدیریر. بو، کورئیا یاریماداسینداکی کؤورک ثابتلیی کؤکوندن پوزا بیلر.

Axar.az خبر وئریر کی، بو باره‌ده «نیو یورک تایمز» نشری یازیب.

نشرین مؤلفلری قید ائدیرلر کی، سون بیر نئچه آی عرضینده پخنیان صونعی اینتلکتله اداره اولونان دؤیوش پیلوتسوز طیاره‌لری، قاباقجیل الکترون دؤیوش سیستملرینه مالک تانکلار، سس‌دن سرعتلی راکتلره مالک یئنی اسمینس، هوا هجومون‌دان مدافعه سیستمی و هوا راکتلری کیمی بیر سیرا حربی یئنی‌لیکلرله اؤیونور.

نیو یورک تایمز جنوبی کورئیانین معلوماتلارینا استنادن یازیب:

«مسکوا پخنیانلا سویوق محاربه دوروندن قالمیش قارشی‌لیقلی مدافعه و امکداشلیق مقاوله‌سینی یئنی‌لییب، شمالی کورئیانی تکجه یاناجاق و ارزاقلا دئییل، هم ده سلاح‌لی قوه‌لرینی مدرنلشدیرمک اوچون ماتریال و تخنولوگییا ایله تامین ائدیب».