کرمله یاخین منبع‌لرین بیلدیردیینه گؤره، روسیادا ۳۰۰ مین وطنداشین یئنی‌دن سفربر اولونماسی ایله باغلی قرار قبول اولونا بیلر. ادعالارا اساساً، بو قرارین ۱۲ ایون – روسیا گونو اعلان ائدیلجیی گؤزلنیلیر.

Axar.az خبر وئریر کی، بو باره‌ده معلوماتی روسیا تلگرام کاناللاری معلومات یاییب.

قید اولونوب کی، قرارین استراتژی بمباردمانچی طیاره‌لره ائدیله‌ن گئنیش‌مقیاسلی هجوما جواب اولاراق وئریلمه‌سی نظرده توتولور.

معلوماتا گؤره، سفربرلیک باره‌ده آچیقلامانی پرزیدنت ولادیمیر پوتین دئییل، مدافعه ناظیری ائد‌جک. بو یاناشمانین سببی ایسه جمعیتده یارانا بیله‌جک ناراضیلیغین قارشی‌سینی آلماقدیر:

«۲۰۲۲-جی ایلده قانونی اولاراق باشلایان سفربرلیک هله بیتمه‌ییب. ایندی ایسه اونون حیاتا کئچیریلمه‌سی جمعیتده معین نگاتیولییه سبب اولاجاق، اونا گؤره ده بونو ولادیمیر ولادیمیروویچله بیرباشا علاقه‌له‌ندیرمک ایسته‌میرلر».