حزب‌الله و حماس-آ قارشی اسرائیلین داغیدیجی هجوملاری و سوریادا اسد رژیمینین دئوریلمه‌سی ایرانین اورتا شرقده‌کی تأثیرینی جدی شکل‌ده آزالدیب.

Axar.az خبر وئریر کی، "EU Reрorter"این آوروپا کشفیات منبع‌لرینه اساسلانان آنالیزینه گؤره، تهران گؤزله‌نیلمز شکلده سودان‌دا یئنی‌دن گوج‌لو شکلده میدانا چیخیب.

معلوماتا گؤره، ایران سودان سلاح‌لی قوه‌لرینه سلاح، کشفیات و حربی مصلحت‌چیلرله دستک وئریر. پایتاخت خارتومون اردونون نظارتینه کئچمه‌سینده بو دستیین مهم رول اوینادیغی بیلدیریلیر. ایران استحصالی اولان آغیر سلاحلار و پوا-لارین سرعت‌لی دستک قوه‌لرینین مؤقعلرینه هجوملاردا استفاده اولوندوغو قید اولونور. سودان هوا لیمانینا هر هفته ان آزی ۷ ایران حربی یوک طیاره‌سی ائنیر، هوا لیمانین‌داکی بعضی آنگارلار سلاح آنبارینا چئوریلیب:

«ایران بؤلگه‌ده دائمی دنیز بازاسی یاراتماغا چالیشیر. تهران قیرمیزی دنیزده محکمله‌نمک ایسته‌ییر. بیرلشمیش عرب امیرلیکلری، مصر، سعودیه عربیستانی، تورکیه و روسیا کیمی آکتورلار ایرانین آرتان تأثیرینی یاخیندان ایزلییر. ایرانین بؤلگه‌ده‌کی اساس دستک قوه‌سی اولان حوثیلر ده بو استراتگییا چرچیوه‌سینده گوجلنیر».

دیگر طرفدن، آمریکا-نین سودان و سومالیده‌کی تأثیرینی ایتیردیی بیلدیریلیر:

«واشینگتنون سومالیدن تمامیله چکیلمه‌سی و پایتاخت موگادیشوداکی سفیرلیینی باغلاماسی گوندمده‌دیر. حاضردا آمرکیا بؤلگه‌ده‌کی ۶۰۰ حرب‌چی‌سینین سومالی اردوسونا آرتیق تعلیم کئچمیجیینی آچیقلاییب. سومالی‌ده ان فعال گوجلر کیمی ایسه تورکیه و بیرلشمیش عرب امیرلیکلری-نین آدی چکیلیر. تورکیه موگادیشودا ان گوج‌لو تهلوکه‌سیزلیک و دیپلماتیک طرفداش ساییلیر».