آمریکا حربی دنیز قوه‌لرینین ۶-جی اپراتیو دونانماسینا مخصوص "پاول ایگناتیوس" راکت اسمینسی و "مونت اویتنی" قرارگاه گمیسی ناتو-نون «بالتوپس ۲۰۲۵» تعلیملرینده اشتراک ائتمک اوچون بالتیک دنیزینه داخل اولوب.

Axar.az خبر وئریر کی، بو باره‌ده «ایزوستییا» قزئتی منبع‌لره استنادن معلومات یاییب.

قید اولونوب کی، «مونت اویتنی» مختلف دنیز قوه‌لرینین عملیاتلارینی اداره ائتمک اوچون اویغونلاشدیریلمیش گمیدیر.

«او، کفایت قدر بؤیوک دونانما بیرلشمه‌لرینی و گئنیش‌مقیاسلی عملیاتلاری اداره ائده بیلر. آمریکا-نین بو قرارگاه گمیسی تئز-تئز بالتیک دنیزینه داخل اولور»، – حربی اکسپرت دمیتری کورنئو نشره آچیقلاماسین‌دا دئییب.

نشرین معلوماتینا گؤره، «پاول ایگناتیوس» اسمینسی ایسه «آرلیگه بورک» تیپلیدیر و ۵۶ عدد مختلف تیپلی "توماهاوک" قانادلی راکتینین بوراخیلیش قورغولاری ایله تجهیز اولونوب:

«بو راکتلر اورالادک چاتا بیلر. گمی همچینین «آگیس» هوا هجومون‌دان مدافعه سیستمینین داشیییجی‌سیدیر».

قید ائدک کی، ناتو-نون «بالتوپس ۲۰۲۵» حربی-دنیز مانورلری ۳ ایون تاریخینده باشلاییب. بو تعلیملر ۱۹۷۲-جی ایلدن بری هر ایل بالتیک دنیزینده کئچیریلیر.