آمریکا پرزیدنتی دونالد ترامپلا مباحثه‌دن سونرا آمریکالی ایش آدامی ایلون ماسک «سونا قدر گئتمه‌یه» و لازیم گلرسه، «دموکراتلاری دستکله‌مه‌یه» حاضردیر.

Axar.az خبر وئریر کی، بو باره‌ده ان.بی.سی تله‌کانالی ماسکین آدی آچیقلانمایان مصلحت‌چی‌سینه استناداً معلومات یاییب.

مقاله‌ده قید ائدیلیر کی، ماسک بیر نئچه آی اول سیاسی فعالیتلره ۱۰۰ میلیون دولار خرجله‌یه‌جه‌یینی و بو وسایتی ترامپلا علاقه‌لی تشکیلاتلارا کؤچورمیی پلانلاشدیردیغینی آچیقلامیشدی. آنجاق پول کؤچورولمه‌ییب.

«اونون رسپوبلیکاچیلار پارتیاسی، رمک (رسپوبلیکا ملی کمیته‌سی)، نماینده‌لر پالاتاسین‌داکی یئرلر و س. هئچ وئجینه دئییل. اونلاری دارماداغین ائد‌جک»، - بیزنسمنین مشاویری وورغولاییب.

او، رسپوبلیکاچیلار پارتیاسینین آمریکا کنگرسینین آشاغی پالاتاسینا کئچیریله‌جک نوبتی سئچکیلرده اودوزاجاغینا امین اولدوغونو بیلدیریب.

«آنجاق ماسکین بوتون بو پارتیا جفنگیاتلاری هئچ وئجینه ده دئییل»، - منبع علاوه ائدیب.

ژورنالیستلرین قید ائتدیی کیمی، رسپوبلیکاچیلار ایندی بیر نئچه شئی‌دن احتیاط‌لی اولمالیدیرلار. بونلاردان بیری ده صاحب‌کارین دموکراتلارا ممکن مالیه دستیی‌دیر.