ناخچیوان مختار رسپوبلیکاسی عالی مجلیسینین مایین ۲۱-ده کئچیریلمیش اجلاسیندا "ناخچیوان موختار رسپوبلیکاسینین کونستیتوسییاسیندا دییشیکلیکلر ائدیلمه‌سی حاقیندا" قانون لایحه‌سی ایکینجی اوخونوشدا سس‌وئرمه‌یه چیخاریلیب و قبول اولونوب. بونونلا دا مختار رسپوبلیکانین کونستیتوسییاسینین دییشدیریلمه‌سی ایله باغلی ایلک مرحله یکونلاشیب.

Axar.az خبر وئریر کی، بو باره‌ده ملی مجلیسین ملت وکیللری مشفق جفروو آچیقلاماسین‌دا بیلدیریب.

او قید ائدیب کی، بونا باخمایاراق، هله قارشی‌دا ایکی پروسدور قالیب:

"عالی مجلسین صدری قانونو امضالامالی و تصدیق اولونماق اوچون آذربایجان ملی مجلسینه تقدیم ائتمه‌لی‌دیر. طبیعی کی، اراضی بوتؤولویو تعمین اولونان دولتیمیزین اداره‌ائتمه‌ده معین دییشیک‌لیک ائتمه‌سی گؤزله‌نیله‌ن ایدی. باش وئرن پروسسلردن سونرا ناخچیوان کونستیتوسیاسین‌دا دا دییشیک‌لیکلره احتیاج دویولوردو. اصلینده، سون بئش ایلده بئله بیر ضرورت یارانمیشدی. عالی مجلیسین سسییاسیندا دا همین مسئله‌لره باخیلدی و سند ایکینجی اوخونوشدا قبول ائدیلدی. آرتیق لایحه آذربایجان رسپوبلیکاسینین ملی مجلیسینه تقدیم اولوناجاق".

ملت وکیلی سؤیله‌ییب کی، ناخچیوان عالی مجلیسینده هانسی اصلاحاتلارین و دییشیکلیکلرین اولاجاغی ایله باغلی دتاللاری هله کی سؤیله‌مک ممکن دئییل:

"چونکی لایحه ملی مجلیسه تصدیق اوچون گؤندریلدیکده دییشیک‌لیکلرله تانیش اولا بیلجییک. اونا گؤره ده بو مسئله‌نین دئتاللاری ایله باغلی علاوه نسه سؤیله‌یه بیلمره‌م".