ایونون ۶-نا کئچه‌ن گئجه اوکراینا مدافعه قوه‌لری روسیانین کوتلوی ضربه‌لره باشلاماسیندان اول روسیا آویاسییاسینین یئرلشدیی آیرودروملارا قاباقلاییجی ضربه‌لر ائندیریب.

Axar.az خبر وئریر کی، بو باره‌ده «ر.ب.ک-اوکراینا» اؤلکه‌نین سلاحلی قوه‌لرینین باش قرارگاهینا استناداً معلومات یاییب.

قید اولونوب کی، عملیات نتیجه‌سین‌ده ایستراتژی بمباردمانچیلارین یئرلشدیی ساراتوو ویلایتینده‌کی «انگلس» آیرودرومونا، ائلجه ده آویاتانکرلرین و مشایعت ائد‌ن قیریجیلارین هوایا قالخدیغی ریازان ویلایتینده‌کی «دیاقیلئوو» آیرودرومونا ضربه‌لر ائندیریلیب.

بوندان باشقا، ساراتوو ویلایتینده یاناجاق-سورتکو یاغلاری اولان ان آزی اوچ چن وورولوب، ضربه‌لردن سونرا اوبیکت‌ده گئنیش‌‍میقیاس‌لی یانغین باش وئریب:

«هدفلرین اولدوغو اراضیده اونلارلا پارتلاییش قیده آلینیب».

قید ائدک کی، ایونون ۱-ده اوکراینا تهلوکه‌سیزلیک خدمتی روسیا استراتژی بمباردمانچی آویاسیاسینا قارشی «هؤرومچک تورو» آدلی ایری مقیاس‌لی عملیات کئچیرمیشدی.