لیدرلر و خارجی ایشلر ناظیرلری گون عرضینده بیر-بیری ایله اینتنسیو شکل‌ده تلفن‌لا دانیشیر، اسرائیل-ایران محاربه‌سینی مذاکره ائدیرلر. اکثریت محاربه‌نین دایاندیریلماسی و مسئله‌لرین دانیشیقلار یولو ایله حلینین طرفداریدیر.

Axar.az خبر وئریر کی، بو سؤزلری پولیتولوگ ائلخان شاهین‌اوغلو قید ائدیب.

شاهین‌اوغلو بیلدیریب کی، بو یاخشی نیتدیر، آنجاق دانیشیقلار مرحله‌سی گئریده قالیب، مذاکره‌لرده نتیجه اولسایدی، محاربه باشلامازدی:

«روسیا-اوکراینا محاربه‌سی ده بئله باشلامیشدی - دانیشیقلارین، چوخسایلی مذاکره‌لرین هئچ بیر نتیجه‌سی اولمادی. دویمه‌یه باسانلار نتیجه الده ائتمه‌یه‌نه قدر ایرانا ضربه‌لری دایاندیرمایاجاقلار. غرب دولتلری روسیانی اوکراینایا قارشی اشغالچی محاربه‌نی دایاندیرماغا وادار ائده بیلمه‌دیلر. ایندی ده روسیا عینی وضعیتده‌دیر. روسیا استراتژی طرفداشی اولان ایرانا قارشی محاربه‌نین دایاندیریلماسینا چالیشسا دا، واشینگتن و تل-اویو کرملین چاغیریشلارینی قولاقاردینا ووراجاقلار».

پولیتولوق قید ائدیب کی، آذربایجان‌دا اسرائیل-ایران محاربسیله باغلی مختلف، بیر-بیرینه ضد فکرلر و آرگومنتلر سسله‌نیر:

«بو نرمال‌دیر، هامی عینی جور دوشونه بیلمز. اسرائیل-ایران محاربه‌سینین نه ایله نتیجه‌لنجیینی، قونشوموزداکی یانغینین نئجه سؤندورولجیینی پروگنوزلاشدیرماق چتیندیر، اورتادا اوست-اوسته دوشه‌ن و کسیشه‌ن ماراقلار وار. اوراسی آیدیندیر کی، بؤلگه‌میز محاربه‌دن اولکی دوروم‌دان فرقلنه‌جک».