ایران سماسینین باغلی قالماسینا و هئچ بیر داخلی و یا بین‌الخالق اوچوشلارین حیاتا کئچیریلمه‌مه‌سینه باخمایاراق، سون گونلر تهران و مسقط آراسیندا اوچوشلار اولوب.

Axar.az خبر وئریر کی، بو حاق‌دا "FlightRadar" معلومات یاییب.

"تهران‌دان معراج هوا یوللارینا مخصوص ایکی و ساها هوا یوللارینا مخصوص بیر طیاره مسقطه ائنیب"،- معلوماتدا بیلدیریلیب.

"FlightRadar" داها اول ایونون ۱۸-ده ایرانین یوکسک روتبه‌لی حکومت رسمیلرینی داشیماق اوچون استفاده ائدیلن اوچ ایران طیاره‌سی‌نین عمانین پایتختی مسقط بین‌الخالق هوا لیمانینا ائنیش ائتدیینی بیلدیرمیشدی.

بعضی غیری-رسمی معلوماتلاردا طیاره‌لرین دانیشیقلار آپاران نماینده هیئتینی داشیدیغی ادعا ائدیلسه ده، ایرانین خارجی ایشلر ناظری عباس عراقچی مسقط‌ده اولدوغونو و دانیشیقلاردا اشتراک ائتدیی باره‌ده معلوماتلاری تکذیب ائدیب.

قید ائدک کی، آدی چکیلن هر ایکی هاوا یوللاری شیرکتی ۱۹۹۰-جی ایلده سپاه طرفیندن تاسیس ائدیلیب و غربین سانکسیالاری سیاهیسینا سالینیب.