آغ ائو رهبری دونالد ترامپین آمریکانین ایرانا هجوم ائدیب-ائتمیه‌جه‌یی ایله باغلی قرارینی گئجیکدیرمه‌سی اسرائیلی استراتژی چیخیلماز وضعیته سالیب.

Axar.az خبر وئریر کی، بو باره‌ده «نیو‌یورک تایمس» معلومات یاییب.

بیلدیریلیب کی، اسرائیلین قالان اساس مقصدی ایرانین فردو اوران زنگینلشدیرمه اوبیئکتینی محو ائتمک‌دیر و او، یئرین آلتیندا او قدر درین باسدیریلیب کی، اسرائیل بومبالارینین اونو زده‌له‌مه‌سی اولدوقجا چتین‌دیر.

اسرائیل رسمیلری گونلردیر کی، ترامپین فردونو محو ائد‌جک سورساتلارلا سیلاحلانمیش آمریکا دؤیوش طیاره‌لرینی گؤندرجه‌یینه اومید ائدیردیلر.

ایندی ایسه آمریکا لیدری دئییر کی، او، مداخیله ائدیب-ائتمه‌مک قرارینا گلمزدن اول ایکی هفته گؤزله‌یه‌جک. محض بو گئجیکمه اسرائیلی دیلئممادا قویور.