آمریکا پرزیدنتی دونالد ترامپ لاهه شهرین‌ده کئچیریلن ناتو ساممیتی چرچیوه‌سین‌ده اوکراینا پرزیدنتی ولادیمیر زلنسکی ایله گؤروشوب و اونا سیمپاتییا گؤستره‌رک، «چوخ خوش بیر انسان» آدلاندیریب. عینی زامان‌دا، آمریکالی لیدر روسیا ایله باغلی داها سرت مؤقع سرگیله‌ییب.

Axar.az خبر وئریر کی، بو باره‌ده «فایننشل تایمس» یازیب.

«ولادیمیر پوتین بو محاربه‌یه سون قویمالی‌دیر. انسانلار هلاک اولورلار»، – نشر ترامپ‌دان ستات گتیریب.

نشر قید ائدیر کی، ترامپ اوکراینا و روسیا لیدرلرینه مناسبتده اوزون مدت تردد ایچینده اولوب. دؤنوش نقطه‌سی ایسه پرزیدنت زلنسکینین آمریکایا سفری زامانی آغ ائوده باش وئرمیش قالماقاللی مباحثه اولوب. همین اینسیدنت‌دن سونرا واشینگتن اوکراینایا حربی و کشفیات یاردیملارینی موقتی اولاراق دایاندیریب.

ایکینجی پرزیدنت‌لیک مدتینین اولین‌ده ترامپ پوتینه داها چوخ آنلاییشلا یاناشیردی – اونلار بیر نئچه تلفن دانیشیغی آپارمیش، اؤلکه‌لرین دانیشیقلار کوماندالاری ایسه بیرباشا تماس‌دا اولموش‌دولار. لاکین سون هفته‌لرده ترامپین پوتینه اولان مایوسلوغو آرتیب – «ماکسیمالیست طلبلری و آتشکه‌سه راضیلاشماق‌دان امتناعسی» بونا سبب اولوب.