ناسا بشر تاریخینده پتنسیال گلیر گتیرن میسیالاردان بیرینه باشلاییر. ۲۰۲۳-جو ایلده فلوریدا اشتاتین‌داکی کندی کوسمیک مرکزیندن بوراخیلان کوسمیک راکت دیری تخمیناً ۱۰ کاتریلیون دلار دیرینده قیمتله‌ندیریله‌ن "۱۶ پسیج" آدلی آسترویده دوغرو یولا چیخیب.

Axar.az خبر وئریر کی، حاضردا ثانیه‌ده تخمیناً ۳۷ کیلومتر سرعتله حرکت ائد‌ن راکت ۲۰۲۹-جو ایلین آوگوستون‌دا هدفه چاتماغی پلانلاشدیریر.

بیلدیریلیر کی، ایلک دفعه ۱۷۲ ایل اول ایتالیان آسترونومو آنیبال دئ گاسپاریس طرفیندن کشف ائدیله‌ن آستروید آدینداکی ۱۶ رقمینی گونش سیستمین‌ده کشف ائدیله‌ن ۱۶-جی گؤی جیسمیندن گؤتورور. دیگر طرفدن، آدینداکی دیگر سؤز قدیم یونان میفولوگییاسینداکی "روحون الاهه‌سی" اولان "پسیج"دن گلیر.

سون ایللرده آپاریلان رادار و ایستیلیک آنالیزلری گؤستریب کی، "۱۶ پسیج" سیرادان بیر قایا پارچاسی دئییل، ترکیبینده دمیر، نیکل، مس، قیزیل ، پلاتین و پاللادیوم کیمی یوکسک قیمتلی متاللار وار. لاس آلاموس ملی لابوراتورییاسینین عالیمی وندی کولدول بیلدیریب کی، آستروید خصوصیله نیکل و مسله زنگین‌دیر. بو مادده‌لر یئرده‌کی آوتوموبیل و الکترونیکا صنایع‌سی اوچون حیاتی اهمیت کسب ائدیر.

بونونلا بئله، ان دقت‌چکه‌ن کشفلردن بیری ۲۰۱۷-جی ایلده آسترویدین سطحینده سو ایزلرینین تاپیلماسی اولوب. ناسا متخصصلرینین فکرینجه، بو، آسترویدین سطحینده سو ایله بیرلشمیش متال گروپلارینین اولا بیلجیینی و بونا گؤره ده «پاس» ایزلرینین یارانا بیلجیینی گؤستریر.

ناسا "پسیج" میسیاسینی تکجه اقتصادی دیرله محدودلاشدیرمیر. عالملر آسترویدی پلانتلرین اساس قورولوشونو آنلاماق اوچون اونیکال فرصت کیمی گؤرورلر. "۱۶ پسیج"نین بیر واختلار پروتوپلانتین نووه‌سی اولدوغو دوشونولدویو اوچون اونون استروکتورونو اؤیرنمک یئر کیمی قایالی پلانتلرین نئجه عمله گلدیینه دایر اونیکال فکرلر وئره بیلر.

قید ائدک کی، بیر چوخ اؤزل شرکتلر آرتیق آسترویدلرین چیخاریلماسی ایدئیاسینا سرمایه قویماغا باشلاییبلار. بونونلا بئله، اکسپرتلرین فکرینجه، بو ساحه‌ده ایرلیلییش الده ائتمک اوچون اهمیتلی مالیه و تخنولوگییا سرمایه‌سینه احتیاج وار.