ایکی گونلوک روما کنفرانسین‌دا اوکراینانین برپاسی ایله باغلی کئچیریلن مذاکره‌لرده محاربه‌نین گئتدیی بیر واختدا وعدلر وئریلدی، لاکین جلب ائدیله بیله‌جک اینوئستیسییالار آراسیندا بیر بوشلوق حس اولونوردو.

Axar.az خبر وئریر کی، بونو «له مونده» نشری یازیب.

نشر قید ائدیر کی، اوکراینانین متتفیقلرینین اساس وظیفه‌سی اینوئستورلاری اوکراینا بازارینا آرتیق ایندی‌دن داخیل اولماغا ایناندیرماق‌دیر.

کیف اقتصادیات مکتبینین باش دیرکتورو مایکل شنایدر قید ائدیب کی، اوکراینا و اونون متتفیقلری اینوئستیسییالارین آرتیریلماسی استقامتینده ایرلیله‌ییرلر، لاکین بو پروسس یاواش‌دیر:

«اساس پروبلئم تهلوکه‌سیزلیکله باغلی‌دیر: روسلار بومباردمانلاری گوجلندیریبلر و درون استحصالینی آرتیریبلار، اینوئستورلار ایسه تهلوکه‌سیزلیک ضمانتلری ایسته‌ییرلر».

شنایدر بیلدیریر کی، دونالد ترامپ حاکمیته گلدیک‌دن درحال سونرا خارجی اینوئستورلار اوکراینادا آتشکس اولاجاغینا اومید ائدیردیلر:

«بو گون ایسه هامی آنلاییر کی، محاربه اوزون چکه بیلر».