دارچین و زردچال ساغلاملیق اوچون سون درجه فایدالی حساب اولونور. دارچینین فایداسی قان شکرینین سوییه‌سینین آشاغی اولماسی ایله علاقه‌لندیریلیر و زردچالین اساس کمپوننتی اولان کورکومین التهابلا مبارزه آپاران گوج‌لو بیر آنتی‌اکسیدانت کیمی تانینیر.

Axar.az خبر وئریر کی، دیتولوق اولسیا لوکاشنکووا ادویاتلارین، خصوصاً ده دوزگون استفاده ائدیلمه‌دیکده تهلوکه‌لی اولا بیلجه‌یی باره‌ده خبردارلیق ائدیب.

دارچینین پوتنسیال تهلوکه‌لریندن دانیشان حکیم قید ائدیب کی، ماغازالاردا عادتا معین بیر آغاجین قابیغیندان حاضیرلانمیش اوجوز بیر محصول ساتیلیر. بو دارچین نوعو "کاسیا" کیمی تانینیر.
لوکاشنکووا وورغولاییب کی، کاسیا قابیغی ادویاتی یوکسک دوزادا قبول ائتمک تهلوکه‌لیدیر:

"ادویاتین ترکیبینده دارچینا خاراکتریک آجی-شیرین عطری وئرن کومارین وار. اوزون مدت عرضینده یوکسک دوزادا کومارین قبول ائدیلدیکده قاراجیره زهرلی تأثیر گؤستره بیلر. گونده بیر چای قاشیغیندان چوخ کاسیا قابیغی ادویاتی قبول ائتمکدن چکینین».

همچنین، متخصصین سؤزلرینه گؤره، بعضی حاللاردا ارگانیزم حساسلیق سببیندن کومارا کسکین رئاکسییا وئره بیلر و بو دا باش آغریلارینا، دری پروبلملرینه و قارین آغریسی، اورک‌بولانما و اورک یانماسی دا داخل اولماقلا، معده-باغیرساق پروبلملرینه سبب اولا بیلر.

زردچال اوشاقلیق ییغیلمالارینی استیموللاشدیرماق قابلیتینه گؤره هامیله قادینلار اوچون تهلوکه‌لی‌دیر.

حکیم آسپیرین ترکیبلی مشهور باش آغریسی درمانینین تهلوکه‌لری باره‌ده خبردارلیق ائدیب:

"زردچال کسکین و خرونیکی هپاتیت، معده و اونیکی‌بارماق باغیرساغین خوراسی اولان انسانلار اوچون توصیه ائدیلمیر".

حکیم همچنین موسکات و زیره استفاده ائدرکه‌ن احتیاط‌لی اولماغی مصلحت گؤروب.