Axar.az
یوخاری
6 اییون 2020


کلله-پاچانین اینانیلماز فای‌دالاری - مشهور پروفسوردان آچیقلاما

آنا صحیفه ساغلیق
12 Punto 14 Punto 16 Punto 18 Punto

تورکییه‌لی داخیلی خسته‌لیکلر و کاردیولوگییا متخصصی ساغلام قیدالانما ایله باغلی توصیه‌لر وئره‌ن جانان کاراتای، خاشین ترکیبینین کوللاگئنله زنگین اولدوغونو دئییب. اونون سؤزلرینه گؤره، کلله-پاچا یئیه‌ن اینسانلارین بوتوکسا احتیاجی یوخدور.

آخار. آذ خبر وئریر کی، ساغلام قیدالانما ایله باغلی مصلحتلر وئرن پروفسور یاغلی قوزو اتینین ایسته‌نیله‌ن میقداردا یئییله بیلجیینی دئییب. اونون سؤزلرینه گؤره، کلله-پاچا اینسان ساغلام‌لیغی اوچون اولدوقجا فایدالیدیر:

"چوخلو خاش یئیین، چونکی او، ان دیرلی قیدادیر. خاش کلسترینی یوکسلتدیی اوچون ایللرله یئییلمه‌مه‌سی مصلحت گؤرولدو. اما گؤردویونوز کیمی خسته‌لیکلر یئنه ده وار و آرتیر. خاشین ترکیبی ووجودون احتیاجی اولان طبیعی پروتینله زنگیندیر، هم ده طبیعی کوللاگندیر. قادینلار گئدیب بوتوکس ائتدیریرلر. کلله-پاچا یئیه‌ن اینسانلارین بوتوک‌سا احتیاجی قالمیر".

نظرینیزه چاتدیریریق کی، کوللاگن - اینسان اورگانیزمینین فعالیتی اوچون چوخ مهم رول اویناییر. سوموکلرین، قیغیرداقلارین، عضله‌لرین، وتر و باغلارین ترکیبینه کوللاگئن داخیل‌دیر. محض کوللاگئن اونلارین محکملیگی و فاصیله‌سیز ایشینه جوابده ساییلیر. باشقا سؤزله دئسک، کوللاگئن - بوتون اورگانلار اوچون بیرلشدیریجی توخوما رولونو اوینایان، خصوصی یاغلاشدیریجی زولالدیر.

کوللاگن همچینین دریمیزده ده چوخ میقداردا اولوب، اونون محکملیگی و الاستیکلیینی تعمین ائدیر. لاکین یاشلاندیقجا کوللاگئنین ایستحصال پروسسی ضعیفلییر و ایلک اولاراق درینین وضعیتی ایله اؤزونو گؤستریر. کوللاگئن چاتیشمازلیغی دری قوجالماسیین اساس سببیدیر. دری محکملیک و الاستیکلیینی ایتیریر، اوست قاتی نازیکلشیر، قورولوق عمله گلیر و نتیجه‌ده ایلک قیریشلار یئرینی توتور.

او، همچینین قیدالانما ایله علاقدار بوراخیلان سهولرین جدی خسته‌لیکلره یول آچدیغینی سؤیله‌ییب:

"طبیعی قیرمیزی ات و یومورتا دا خولسترولو یوکسلتمیر، قاراجیر یاغلانماسینا سبب اولمور و کؤکلتمیر. قاراجیرین یاغلانماسی موختلیف خسته‌لیکلرین یارانماسینا سبب اولور. بونلارا آلزایمر، دیابت و اورک خسته‌لیکلری، خرچنگ کیمی خسته‌لیکلر، حتی اوشاقلاردا گؤروله‌ن آوتیزم ده عایید ائدیله بیلر".
کاراتای بیلدیریب کی، ضعیف اینسانلارین دا قاراجیری یاغلانیر.

"ضعیف اولماق ساغلام اولماق دئییل. یالنیز دامارلارداکی یاغلار اریدیکجه شکر خسته‌لیگی یاخشیلاشیر، اینفارکت ریسکی آزالایر، دؤش خرچنگی ساغالیر. همچینین، پروستات خرچنگینین قارشی‌سی آلینیر".

تاریخ
2019.10.11 / 23:35
مولف
Axar.az
شرح لر
دیگر خبرلر

گؤبلک بئینی قورویور

حکیملر کوروناویروسو داها اؤلومجول حساب ائتمیرلر

کوچه‌ده ییخیلیب اؤلن‌ده ایناناجاقسینیز؟ – حکیم‌دن شوک

یهودیلر نه اوچون عقل‌لی و اوزون عمورلو اولورلار؟ - ویدئو

ائوده یود چاتیشمازلیغینی بو جور یوخلایا بیلرسینیز - ویدئو

قانینیزین قاتی و لاختالی اولدوغونو گؤستره‌ن ۵ علامت

تورک پروفسوردان کورونا آچیقلاماسی: یئنی‌لیک وار...

قوز سویونون فایدلاری

کیوینین اینانیلماز فایداسی

کوروناویروسون ایکینجی دالغاسین‌دان قورخمامالیییق - هارمانجی

خبر خطّی
 
Axar.az'da reklam Bağla
Reklam
Bize yazin Bağla