آنا صحیفه ساغلیق |
بیر نئچه گوندور دونیا ایجتیمایتینی تشویشه سالان کوروناویروسلا باغلی قونشو روسییا و تورکییه هاوا لیمانلاریندا خصوصی یوخلامالار حیاتا کئچیریلیر. حتی روسییادا ۳ نفر کوروناویروس شوبههسی ایله موایینهلره جلب ائدیلیب.
بیر مدت اؤنجه آذربایجاندا رسپوبلیکاسینین صحییه ناظرلیگی ده ویروسلا باغلی اینسانلارا مراجعت ائتمیشدی.
آذربایجانین باش اینفکسیونیستی جلال عیسییئو رئپورت-آ آچیقلاماسیندا کورونوویروسون علامتلری و قورونما اصوللاریندان دانیشیب.
او بیلدیریب کی، کوروناویروسون علامتلری قریپ، رسپیراتور ویروس اینفکسییالارینی خاطیرلادیر:
«چیندن یاییلان ویروس عادتا آغجیرلری زدلییر و آغجیر چاتیشمازلیغینا سبب اولور. بئلهلیکله ده اینسان تلف اولور. اگر ویروس آغیز بوشلوغوندان داخیل اولارسا، معده-باغیرساق پوزغونلوقلاری یارادا بیلر.
عسییئو بو ویروسدان قورونماق اوچون خسته اینسانلاردان اوزاق اولماغی مصلحت گؤرور:
«ماسکا تاخماق، کسکین رسپیراتور خستهلیکلردن اذیت چکهن اینسانلارلا یاخین تماسدا اولماماق، اللری متمادی یوماق، اؤسکوررکن و آسقیرارکهن آغیزلارینی بیردفعهلیک ایستیفاده اوچون دستماللا باغلاماق لازیمدیر. بوندان باشقا، میوهلری یئمزدن اول مطلق یوماق واجیبدیر».
خاطیرلاداق کی، چینین ووهان شهرینده اورتایا چیخان کوروناویروسا یولوخانلارین سایی ۸۳۰-او اؤتوب، اؤلنلرین سایی ایسه ۲۶-یا چاتیب.
تاریخ
2020.01.24 / 13:27
|
مولف
Axar.az
|