اهالینین صحتینه اعتیناسیزلیغینا گؤره کوروناویروسونا یولوخما رکورد سوییه‌یه یوکسلیب.

آخار. آذ خبر وئریر کی، سون ایستاتیستیکایا اساساً شرقی آذربایجان‌دا کورونایا ۴۸۷ توتولوب، ۳۹ نفر ایسه اؤلوب.

بو باره‌ده تبریزین تیبب علملری اونیورسیتتینین صدری محمد حسین سومی معلومات وئریب. او بیلدیریب کی، شرقی آذربایجان‌دا اهالینین گیگیئنیک توصیه‌لره اعتیناسیزلیغینا گؤره کوروناویروسونا یولوخما حالی رکورد حده یوکسلیب.

«۱۷ مارت تارخین‌ده کورونایا یولوخمادا ۱۷۰ نفر شوبهه‌لی شخص خسته‌خانایا قبول اولوناراق یاتیریلیب. اونلاردان ۷۸-نین یوخلانیلمالاری مثبت نتیجه وئریب. بیر گون‌ده یولوخما اوزره هان‌سی‌سا آزالما اولدوق‌دا، ویروسون نظارته آلینماسی آنلامینا گلمیر. اومید ائدیره‌م کی، صحییه شبکه‌سینین و سپاه پاسدارانین امکداشلیغی ایله ایجرا اولونان کورونا ایله مباریزه‌یه چاغیریش پلانین‌دا ویروسا توتولان شخصلرین معینلشدیریلمه‌سی و معالیجه‌لری یاخشی اولاجاق».

سومی ۱۷ مارت تاریخین‌ده کورونادان اؤلنلرین سایینین ۷ نفر اولدوغونو بیلدیریب:

«اونلاردان ۳-او بیر مدت اول خسته‌خانادا یاتیریلمیش و معالیجه‌لرینین گئدیشی تأثیرلی اولمایان شخصلر اولوب. عمومی‌لیک‌ده اؤلنلرین سایی ۳۹ نفر، ویروسا یولوخانلارین سایی ایسه ۴۸۷ نفره چاتیب. گیگیئنیک قای‌دالارا و توصیه‌لره ریایت اولونماسا، اینسانلار ازدهاملی یئرلرده اولمالارینی داوام ائتدیرسه‌لر، ویروسا یولوخانلارین سایینین پروقرسیو آرتیمی قاچینیلمازدیر».