اوزون مدت، فاصیله‌سیز ۳ ساعت اوتورماق ساغلاملیق اوچون تهلوکه‌لیدیر.

Axar.az خبر وئریر کی، هکیم فلبولوگ وانسا پرینس اورک و دامارلاری قوروماق اوچون اوزون مدت اوتورماماغا چاغیریب.

«۲-۳ ساعت‌دان چوخ ایلشمک دامارلارین سیخیلماسینا و قان دؤورانینین پوزولماسینا سبب اولور. نینکی قان دؤورانی، همچینین لیمفا دورغونلوغونا گتیریر کی، بو دا آیاقلاردا شیشکینلییه سبب اولور. بیر چوخلاری دئیه‌جک کی، بو ایشیمیزله باغلیدیر، اما بئله ایش اور‌یه جدی زیان وورور. اوتورماق اوزانماق و یاتماقدان دا چوخ اور‌یه ضربه‌دیر. چونکی بو زامان دامارلار چوخ سیخیلیر. اوتوراق حیات کئچیره‌نلرده قاندا شکر، خولسترین و چکی ده آرتیر.

بونون قارشی‌سینی آلماق اوچون ایلشنده بدنین وضعیتینی تئز-تئز دییشمک و ۳۰ دقیقه‌دن بیر آیاغا قالخیب، گزیشمک، ایدمان ائتمک، پیللکه‌ن قالخیب-دوشمک لازیم‌دیر.

حتی ممکن قدر آیاق اوسته دوراراق ایشینیزی گؤرون. ۱ ساعت آیاق اوسته ایشله‌مک ۳۰ دقیقه اوتورماق‌دان فایدالیدیر»، - حکیم قید ائدیب.