Axar.az آمریکانین سووئت اتفاقیندا ملی مسئله‌لر اوزره کئچمیش مشاوری و آوراسییادا اتنیک و دینی مسئله‌لر اوزره اکسپرت پول گوبلون مصاحبه‌سینی تقدیم ائدیر:

- دونالد ترامپ آمریکایا مخصوص قوه‌لرین ایرانا دوغرو حرکت ائتدیینی دئییب. آمریکا ایرانا هجوم ائد‌جک‌می؟

- آمریکانین یاخین زامان‌دا ایرانا گئنیش‌میقیاسلی هجوم ائدجه‌یینه شبهه ائدیره‌م، آنجاق کیچیک حربی عملیاتلار ممکن‌دور.

- اوکراینا محاربه‌سی ایله باغلی پروگنوزونوز نه‌دیر؟ روسییا ایسته‌یینه چاتاجاق‌می و بو حالدا، جنوبی قافقازی، خصوصیله آذربایجانی نه گؤزله‌ییر؟

- روسییا پاسسیو بیر اوکراینا گؤرمه‌یه امید ائدیر، اما بونا نایل اولمایاجاق. اوکراینالیلار حکومتین راضیلاشماغا مجبور قالدیغی هر شئیه مقاومت گؤستره‌جک و بو دا کرمل دیکتاتورونا غلبه قازاندیرمایاجاق.

- «صلح شوراسی» غزه‌ده صلحو تامین ائده بیله‌جک‌می؟

- خیر، چونکی اونون هر ایکی طرفی ده راضیلیغا گتیرمک اوچون صلاحیتی و یا گوجو اولمایاجاق.

- گرینلند بحرانی نئجه نتیجه‌لنه بیلر؟

- دوشونوره‌م کی، آمریکا حربی موجودلوغونو اهمیتلی درجه‌ده گئنیشله‌ندیره‌جک و نادر تورپاق مینراللاری آختاراجاق. آمریکا کنگره‌سی ترامپی خبردارلیق ائدیب کی، اگر گرینلندی اله کئچیرمک اوچون اورادا حربی گوج‌دن استفاده ائتمه‌یه چالیشسا، بو، اونون پرزیدنتلیینین سونو اولاجاق.