ایرانا هم ده تورک اؤلکه‌سی کیمی باخمالییق، چونکی اؤلکه اهالی‌سینین آز قالا یاریسی آذربایجان تورکلریدیر. آذربایجان تورکلری ایران‌دا آزسایلی خالق دئییل، فارسلارلا بیرگه دولتین قوروجولاریدیر.

Axar.az خبر وئریر کی، بو سؤزلری ملت وکیلی قدرت حسنقولیئو پرس‌کلوب ت.و-یه مصاحبه‌سینده دئییب.

«بو باخیم‌دان ایران‌دا یاشایان دیگر خالقلارین طالع‌یینه گؤره آذربایجان تورکلری مسئولیت داشییرلار. آذربایجان تورکلری ایران دولتینه بونا گؤره داها چوخ اینتگراسییا اولونوب»، - او بیلدیریب.

ملت وکیلی اعتراف ائدیب کی، ایران‌دا فارس ملتچی‌لیی موجوددور و بو، جدی پروبلم یارادیر:

«ایرانی مین ایل آذربایجان تورکلری اداره ائتسه ده، بو گون سویداشلاریمیز اؤز دیللرینده تحصیل آلا، اؤز مدنیتلرینی انکشاف ائتدیره بیلمیرلر.

حساب ائدیرم کی، ایندکی مرحله‌ده ایران اوچون ان دوغرو یول اؤلکه‌نین فدراللاشماسی اولا بیلر».