تورکیه ایرانلا آمریکا آراسین‌داکی گرگینلیین حلینده واسطه‌چی‌لیک ائتمه‌یه حاضردیر و موافق علاقه‌لری داوام ائتدیرمک نیتینده‌دیر.

Axar.az خبر وئریر کی، بو باره‌ده تورکیه پرزیدنتی رجب طیب اردوغان "الشرق الوسط" قزئتینه مصاحبه‌سینده بیلدیریب.

"گرگینلیی آزالتماق و پروبلملری حل ائتمک اوچون ایرانلا آمریکا آراسین‌دا واسطه‌چی رولونو اویناماغا حاضر اولدوغوموزو تصدیقلییریک و بو موضوع‌دا علاقه‌لریمیزی داوام ائتدیرجه‌ییک. ایرانا هر هانسی بیر حربی عملیاتا قارشی اولدوغوموزو بوتون تریبونالاردا ایفاده ائتمیشیک"، - دئیه او قید ائدیب.

اردوغان قید ائدیب کی، تورکیه اؤز آددیملارینی رگیون‌داکی طرفداشلاری ایله علاقه‌لندیریر:

"سعودیه عربستانی و پاکستان دا داخل اولماقلا دوست اؤلکه‌لرله علاقه‌لریمیز داوام ائدیر. بیز بو مسئله‌یه بلوک و یا متفقلیک دوشونجه‌سی ایله یاناشمیریق"، - دئیه تورکیه‌لی لیدر وورغولاییب.