ایران آمریکا-نین هجوم احتمالینی آزالتماق اوچون روسیا و چینله عمان کؤرفزی و هیند اوکیانینین شمالین‌دا «دنیز تهلوکه‌سیزلیک کمری» آدلی بیرگه حربی تعلیملر کئچیریب. بو تعلیملر هر ایل کئچیریلیر. واشینگتن بو تعلیملردن چکینمیر. چونکی آمریکا-نین سیاسی دایره‌لرینده حساب ائدیرلر کی، ایرانا قارشی هجوم اولارسا، روسیا و چین تهرانین طرفینده محاربه‌ده اشتراک ائتمه‌یه‌جکلر. مسکوا و پکین ساده‌جه محاربه علیه‌اینه بیانات وئرمکله کفایتلنه‌جکلر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، روسیا و چین فرقلی پروبلملرین حلی ایله مشغولدور:

«روسیا پرزیدنتی ولادیمیر پوتین اؤلکه‌سینین حربی و دیپلماتیک رسورسلارینی اوکراینا استقامتینه یؤنلدیب و کرملین ایرانی خلاص ائد‌جک دوروم‌دا دئییل. چین لیدری سی سزینپین ایسه اردودا تمیزلیک ایشلری آپارماقلا مشغول‌دور. غرب مطبوعاتینین یازدیغینا گؤره، اردو گنراللارینا قارشی آپاریلان آنتی‌کوروپسییا آراشدیرمالاریندان سونرا چینین مرکزی حربی کمیته‌سینده (م.ح.ک) جمعی ایکی نفر قالیب و اونلاردان بیری ده محض سی سزینپیندیر. او، چین خالق آزادلیق اردوسونون اپراتیو کوماندانلیغینی تام شکل‌ده اؤز الینده جمع‌لشدیرمه‌یه مجبور قالیب. چین مدافعه ناظیرلیی صدرینین معاونی چان یوسیا و بیرلشمیش قرارگاهین رییسی لیو چنلی باره‌سینده آراشدیرمالار داوام ائدیر. هر ایکی‌سی انتظام و قانونون جدی شکل‌ده پوزولماسین‌دا شبهه‌لی بیلینیرلر. بو، چین خالق رسپوبلیکاسی تاریخینده گؤرونمه‌میش حادثه‌دیر.

چین اردوسون‌دا حبسلره باخمایاراق، پکین نووه پوتنسیالینی آرتیرماقدا داوام ائدیر. واشینگتن نووه سلاحلارینین آزالدیلماسییلا باغلی سازشه روسیا ایله یاناشی، چینین ده امضا آتماسینی طلب ائدرکه‌ن، پکین بو طلبی رد ائدیب. بونا گؤره ده واشینگتن مسکوا ایله یئنی نووه سازشی امضالاماق ایسته‌میر.

بو آرادا، سی.ان.ان تلویزیا کانالینین کشفیات ارگانلارینا استنادن معلوماتا گؤره، چین یئنی نسل نووه سلاحی حاضرلاییب و اونلارین سیناقلارینی کئچیریب. تلویزیا کانالینا اؤتوروله‌ن خبرده دئییلیب کی، بو سیناق چینین نووه آرسنالینی دنیانین ان معاصر و تخنولوژی باخیم‌دان انکشاف ائتمیش وضعیته گتیرمک مقصدیله حیاتا کئچیریله‌ن گئنیش بیر لاییحه‌نین حصه‌سیدیر. پکینین مقصدی آیدیندیر. چین نووه پوتنسیالینا گؤره، آمریکا و روسیایا چاتماق ایسته‌ییر».