سون ۸۰ ایل عرضینده آذربایجان قدر بئله تام و مطلق غلبه قازانان ایکینجی اؤلکه اولماییب.

Axar.az خبر وئریر کی، بونو پرزیدنت ایلهام علیئو فورالین ۲۵-ده خوجاوند شهر و خوجاوند کند ساکنلری ایله گؤروشو زمانی دئییب.

"اوزون ایللر عذاب-اذیت ایچینده یاشامیسینیز. کؤچکون حیاتی آغیر حیات‌دیر، هم معنوی عذابلار، هم فیزیکی چتین‌لیکلر، اؤز دوغما تورپاغینی ترک ائدیب باشقا یئره، حتی آذربایجانین ایچینده اولسا بئله گئتمک و عذاب-اذیت ایچینده یاشاماق بؤیوک سیناقدیر. سیز بو سیناقدان شرفله چیخمیسینیز. امینه‌م کی، بوتون آذربایجان خالقی، سیز ده هر زمان اینانیردینیز کی، بو گون گله‌جک و بو تورپاقلاری بیز آزاد ائدجه‌ییک، عدالتی برپا ائدجه‌ییک، دشمنی تورپاقلاریمیزدان قوواجاغیق. بیلدیینیز کیمی، واختیله اشغال ائدیلمیش تورپاقلارین بؤیوک حصه‌سی بئش ایل بوندان اول وطن محاربه‌سی زمانی آزاد اولونسا دا، خوجاوند هله ده اشغال آلتین‌دا قالمیشدی و خوجاوندلیلر ده حساب ائدیردیلر کی، نه واختسا وضعیت دییشه‌جک.

امینه‌م، جمعیتده اینام وار ایدی کی، بیر قاریش تورپاق دا دشمنین تاپداغی آلتیندا قالمایاجاق و بیز بونا دا نایل اولدوق. آرتیق ایکی ایلدن چوخ‌دور کی، بوتون اراضییه - آذربایجان دولتینین سووئرن اراضی‌سینه بیز نظارت ائدیریک. دشمنین سونونجو یوواسینی دا داغیتمیشیق، سپارات‌چیلاری دا قووموشوق، اونلاری دا محکمه قارشی‌سین‌دا جواب وئرمه‌یه مجبور ائتمیشیک و عدالتی تام برپا ائتمیشیک. اونا گؤره آرتیق او آغیر دؤور گئریده قالدی، آرخادا قالدی، بیر داها قاییتمایاجاق. بو گون دولتیمیز گوج‌لودور، اردوموز گوج‌لودور و خالقیمیز بو ایللر عرضینده آرتیق بوتون دنیایا اؤز بؤیوکلویونو گؤسترمیشدیر. سون ۸۰ ایل عرضینده آذربایجان قدر بئله تام و مطلق غلبه قازانان ایکینجی اؤلکه اولمامیشدیر"، - علیئو قید ائدیب.