دانیشیقلارین داوام ائتدیریلمه‌سی راضیلیغی فونون‌دا ایرانا ضربه‌لرین ائندیریلمه‌سی دقتی دیپلماتیک حل یوللارینین نیه توکندیینه چکیر.

عمان‌دا باشلانان دانیشیقلاردا آمریکا ماکسیمالیست طلبلریندن امتنا ائتمه‌سه ده، ایرانین مذاکره‌لری نووه پروگرامی چرچیوه‌سینده محدودلاشدیرماق ایسته‌یینی قبول ائتمکله دیپلماتیک حل یوللارینی آختاریردی. دانیشیقلارین داوامین‌دا ایرانین نووه پروگرامینی داوام ائتدیرمک موقعیین‌دن گئری چکیلمه‌مه‌سی طرفلر آراسین‌دا ضدیتلری درینلشدیردی. تهرانین حربی سنارینی آکتواللاشدیران موقعیی ایکی سببدن قایناقلاندیغی گؤرونور.

- آمریکا-نین ماکسیمالیست طلبلرینی قبول ائتمک رژیمین تسلیم اولماسی دئمکدیر: تهران ایمیجینی قوروماق مقصدیله حتی «سیموولیک اوران زنگینلشدیریلمه‌سی» واریانتینی دا ایر‌لی سوردو؛

- آمریکا-نین ایرانا حربی مداخله‌سینه قارشی هم واشینگتن‌دا فکر آیریلیغینین اولماسی، هم رگیون اؤلکه‌لرینین قارشی چیخماسی تهرانین مانور امکانلارینی گئنیشله‌ندیریردی.

ترامپ آدمینیستراسییاسی هجوما اسرائیلین باشلانماسی ایله حربی مداخله سناریسینه قارشی مانعه‌لردن یایینا بیلدی و تهرانین آمریکا بازالارینا ضربه‌لر ائندیرمه‌سی واشینگتنون حربی مداخله‌سینی لگیتیملشدیردی.

ایران محاربه‌سی ایکی ممکون سناری اوزره انکشاف ائده بیلر.

بیرینجی‌سی، رژیم اؤز موجودلوغونو ساخلاماق اوچون ماساداکی طلبلری - نووه و راکت پروگرامین‌دان امتنا، زنگینلشدیریلمیش اورانین چیخاریلماسی، پروکسی قوه‌لره دستیین دایاندیریلماسی - قبول ائدیر.

آمریکا-نین ایلکین هدفی اولان بو سنارینین چتینلیکلری وار.

- رژیمین حربی-سیاسی رهبرلیی سیرادان چیخسا بئله، اؤلکه‌یه فاکتیکی نظارت ائد‌ن سپاه-این تسلیم اولاجاغی احتمالی آزدیر؛

- ترامپین سون آچیقلامالاری آمریکا-نین حاکمیتین خالقا اؤتورولمه‌سی هدفینین اؤن پلان‌دا اولدوغونو دئمه‌یه اساس وئریر؛

- ایران‌دا سپاه-این اشتراکی اولمادان پست-رژیم دورونون قورولماسی چتیندیر؛

بو عامللر دیپلماتیک حل یوللارینی محدودلاشدیریر.

ایکینجی‌سی، محاربه‌نین رگیونال موستوییه کئچمه‌سیدیر؛

رژیمین حربی یوللا دئوریلمه‌سی قورو عملیاتلارینی شرتلندیریر، عکس تقدیرده، ۱۲ گونلوک محاربه‌نین تکراری اولا بیلر. آمریکا و اسرائیلین ایرانا قورو عملیاتا باشلاماسی احتمالی آزدیر، اؤلکه‌نین درینلیکلرینده رژیمله دؤیوشمه‌یین چتینلیکلری ده نظره آلینمالیدیر. بو حال‌دا ایران داخلینده رژیم علیه‌دارلارینین سلاح‌لی عصیانی و سوریا سناریسینین تکرارلانماسی باش وئره بیلر کی، بو دا محاربه‌نی رگیونال موستوییه داشییر.