خبر وئردییمیز کیمی، اسرائیل و آمریکا اردولاری ۲۸ فورال‌دا سحر ساعتلاریندا ایرانا قارشی هجوما باشلاییب. بیلدیریلیر کی، آمریکا-نین یاخین شرقه یئرلشدیردیی قوه‌لر و اسرائیل اردوسو اصلینده هفته‌لردیر ایرانین عالی لیدری علی خامنه‌اینی ایزلییرمیش. ۲۸ فورال‌دا سحر ساعتلارین‌دا خامنه‌اینین صدرلیی ایله اجلاس کئچیریلدیی باره‌ده کشفیات معلوماتی آلان کیمی ضربه ائندیریلیب و عالی لیدر و اجلاس‌دا اشتراک ائد‌ن داها بیر نئچه یوکسک وظیفه‌لی شخص اؤلدورولوب.

یعنی اسرائیل و آمریکا هجوم اوچون بو مقامی گؤزله‌ییب و اساس هدف ده خامنه‌اینین فیزیکی اولاراق آرادان گؤتورولمه‌سی اولوب. چونکی ایرانا هجوم حالین‌دا خامنه‌اینین خصوصی محکملندیریلمیش بونکره یئرلشجه‌یی، بورادا ایسه اونا هجوم ائتمه‌یین نتیجه‌سیز اولاجاغینی تخمین ائدیردی.

بئله‌لیکله، ایرانا هجوم خامنه‌اییه ائندیریله‌ن ضربه ایله باشلاییب.

بو، دوغرودانمی بئله‌دیر و نه قدر حقیقتدیر؟

خامنه‌اینین اوزون مدتدیر آغیر خسته‌لیکدن اذیت چکدیی حاق‌دا واختاشیری اینفورماسییا یاییلیردی. خامنه‌ای ۱۹ آپرل ۱۹۳۹-جو ایلده آنادان اولوب، آی یاریم سونرا ۸۷ یاشینی تماملایاجاقدی. یعنی خیلی یاشلانمیشدی. اوسته‌لیک، گنج‌لیی و اورتا یاش دؤورو ده راحت کئچمه‌ییب، کاسیب عائله‌ده دوغولوب، محرومیتلر گؤروب، شاه رژیمی زمانین‌دا سیاسی فعالیتینه گؤره ۶ دفعه (!) حبس ائدیلیب، ایشگه‌نجه‌لر وئریلیب، اؤزو خاطره‌لرینده حبسخانادا آغیر شرطلر آلتین‌دا جزا چکمه‌سیندن دفعه‌لرله بحث ائدیب، «بونلاری یاشامایان نه‌لر چکدییمی بیلمز» دئییب، سورگونده اولوب، حاکمیته گلندن سونرا، ۱۹۸۱-جی ایلین ایونون‌دا ایسه حیاتینا سوءقصد جهدی ائدیلیب، قورتولسا دا، ساغ قولو فلیج اولوب و سایر.

بوتون بو یاشادیقلاری نظره آلینارسا، خامنه‌اینین صحتینده ناراحاتلیقلار اولماسی نرمال ایدی. حتی آرا-سیرا خامنه‌اینین اؤلوم خبرلری ده بو دوشونجه ایله یاییلیردی.

خامنه‌اینین سونونجو دفعه اؤلوم خبری ۲۳ فورال‌دا تیراژلاندی. همین گون خامنه‌اینین اقامتگاهینین اطرافین‌دا فوق‌العاده حال یاشانمیشدی: یاخینلیقداکی مکتبلر اعلان ائدیلمه‌دن باغلانمیشدی، سحر ۰۷-ده مکتبه گلن شاگردلر خصوصی آوتوبوسلارلا گئری داشینمیشدی. ۲۲ فورال گئجه ساعتلاریندان ایسه اراضییه چوخ سایدا آمبولانس، پلیس و خصوصی قوه‌لر جمع‌لشمیشدی.

بو فوق‌العاده حالین سببی آچیقلانمادی. ادعالاردان بیری گویا خامنه‌اییه سوءقصد جهدی ایدی، آنجاق بو ادعا اؤزونو دوغرولتمادی. خامنه‌اینین اؤلدویو حاق‌دا معلومات دا تکذیب ائدیلدی.

یادا سالاق کی، خامنه‌اینین صحتی ایله باغلی ایلک جدی مسئله ۸ فورال‌دا اوزه چیخدی. همین گون ایرانین عالی لیدری علی خامنه‌ای "۱۹ بهمن" (۸ فورال) مناسبتیله حربی هوا قوه‌لری کوماندیرلری ایله عنعنوی گؤروشه قاتیلمامیشدی. بو، ۴۷ ایلده - اسلام انقلابیندان بری ایلک حادثه ایدی. بونا گؤره ده خامنه‌اینین حرکت ائتمک اقتداریندا اولمادیغی ادعاسی اورتایا آتیلدی.

بونون آردینجا اولدوقجا غریبه معلوماتلار یاییلماغا باشلادی:

- ۲۱ فورال‌دا «آکسیوس» خامنه‌ای و وارثینین آرادان گؤتورولمه‌سی اوچون آمریکا و اسرائیلین پلان حاضیرلادیغینی یازدی؛

- ۲۲ فورال‌دا «نیو یورک تایمز» خامنه‌اینین ایرانین فاکتیکی اداره‌ائدیلمه‌سینی ملی تهلوکه‌سیزلیک شوراسینین کاتبی علی لاریجانییه تاپشیردیغینی تیراژلادی و بو معلومات ایران طرفین‌دن تکذیب اولونمادی؛

- ۲۲ فورال‌دا «نیو یورک تایمز» خامنه‌اینین شهید اولماغی گؤزه آلدیغینی اساس خبرینه چئویردی؛

- ۲۳ فورال‌دا خامنه‌اینین اقامتگاهی اطرافیندا فوق‌العاده وضعیت و اؤلوم خبری یاییلدی (یوخاریدا خاطیرلاتدیق)؛

- ۲۶ فورال‌دا ایران خارجی ایشلر ناظیرلیی باشچی‌سی عباس عراقچی آمریکا مدیاسینین عالی رهبرین فیزیکی اولاراق محو ائدیلمه‌سی سناریلری حاضرلاماسی خبرلری فونوندا «خامنه‌اینین اؤلومو ایله هئچ نه داغیلمایاجاق» دئیه، سیستمین فردلره سؤیکنمه‌دیینی اعلان ائتدی...

خامنه‌ای نیه ساغ اولدوغو حال‌دا بوتون صلاحیتلری علی لاریجانییه اؤتوروردو؟

نیه ۲۳ فورال‌دا اؤلوم خبری یاییلاندان سونرا خامنه‌ای جانلی اولاراق مراجعت ائتمه‌دی؟

نیه شهید اولماق آرزوسو خارجی مدیادا یئرلی مأمورلارا استنادلا تیراژلانیردی؟

نیه بیر اؤلکه‌نین خارجی ایشلر ناظیری قفیلدن اؤلکه‌نین عالی لیدرینین اؤلمه‌سینین نرمال اولماسی باره‌ده بیاناتلا چیخیش ائتمه‌لیدیر؟

نوبتی سوال ایسه بئله‌دیر: ۲۸ فورال‌دا خامنه‌اینین اقامتگاهین‌دا هانسی معتبر تدبیر کئچیریلیرمیش کی، صلاحیت صاحبلری هامیسی اورا گلیب و بو مقام‌دان دا آمریکا و اسرائیل ضربه اوچون استفاده ائدیب؟

آمریکا-نین یاخین شرقه ان بؤیوک قوه‌لرینی ییغدیغی و ایرانا هر آن ضربه‌لرین ائندیریله بیلجه‌یی احتمالی دورمادان سسلندیی مقام‌دا خامنه‌اینین رهبرلیی ایله اؤلکه‌نین ائلیتاسینین اشتراکی ائتدیی اجلاس چاغیریلیر؟ و بو اجلاس بونکرده دئییل، آچیق اقامتگاه‌دا کئچیریلیر؟ همین اجلاس‌دا خامنه‌اینین گلینی، کورکه‌نی، قیزی، اوغلو نه گزیرمیش؟

بوتون بو سواللار علی خامنه‌اینین آمریکا-اسرائیل ضربه‌لری زمانی آرتیق حیاتدا اولمادیغی وئرسیاسینی ایر‌لی سورمه‌یه شرایط یارادیر...