ایرانین ناخچیوانا هجومونا باکینین رئاکسییاسی، خصوصیله اردونون بیر نمره‌لی سفربرلیک وضعیتینه گتیریلمه‌سی «آذربایجانی ایران آوانتوراسینا جلب ائد‌جکلر» ادعالارینا/فکرلرینه یول آچیب. بوندان تبلیغات مقصدیله استفاده ائد‌نلر ده وار.

آذربایجانی ایران محاربه‌سینه قوشماق ایسته‌یه‌نلر اولا بیلر، لاکن علیئوی بئله آوانتورایا چکه بیلمزلر. تجربه ایله تصدیقلنیب: باکی نه ملی و استراتژی ماراغی اولمایان پروسسه قوشولور، بعضا قوشولموش کیمی گؤرونسه بئله، پراکتیکی موستویده گئدیشلر ائتمیر، نه ده آذربایجان عسگرینی باشقا ماراقلارا قوربان وئریر. بونون سون نمونه‌سینی غزه مسئله‌سینده گؤردوک.

ایرانین ناخچیوانا هجومونا – آذربایجانین سووئرن اراضی‌سینه مداخله‌سینه دیپلماتیک موستویده لازمی جواب وئریلدی. اردونون بیر نمره‌لی حاضرلیق وضعیتینه گتیریلمه‌سی ایسه موجود وضعیتده «استراتژی چکیندیرمه» مقصدی داشییر. چونکی ایران رژیمی «گوج دیلی»ند‌ن آنلاییر. ارمنیستانین مدافعه‌سی مقصدیله سرحدیمیزه «لشکر» توپلایان‌دا دا آذربایجانین آدکوات رئاکسییاسی قارشی‌سیندا ایر‌لیله‌یه بیلمه‌دیلر.

ایران رژیمینین ناخچیواندان سونرا یئنی‌دن هجوم ائتمیجه‌یینه ضمانت یوخ‌دور، اسکینه بئله احتمال داها چوخ‌دور. آذربایجان اردونو حاضرلیق وضعیتینه گتیرمکله ایرانا علیئوین دئدیی کیمی، «ایسته‌نیله‌ن جواب عملیاتینا حاضیریق» مساژی وئریر.

گله‌جک آددیملار ایسه یاخین دؤورده ایران‌دا باش وئرنلره اویغون اولا بیلر.